नवमी मधुशुक्ला च दशमी मधुशुक्लिका
मधुशुक्लत्रयोदश्यां मधुशुक्ला चतुर्दशी
मधुकृष्णा द्वितीया च तृतीया मधुकृष्णिका
षष्टी तु मधुकृष्णा स्यात्सप्तमी मधुकृष्मतः
दशमी मधुकृष्णा च विन्ध्यदर्पनिषूदन
मधुकृष्णत्रयोदश्या मधुकृष्णचतुर्दशी
एवमेव प्रकारेण माधवाख्यो परिस्थिताः
मिलित्वा षष्टिसंख्यास्तु ख्याता वासन्तशक्तयः
वासन्तचक्रराजस्य सप्तावरणभूमयः
विभज्य चार्चनीयाः स्युस्तत्तन्मन्त्रैस्तु साधकैः
देवतास्तु परं भिन्नाः शुक्रशुच्यादिभेदतः
एवं वर्षादिके चक्रे भेदान्नभवभस्यजान्
ग्रन्थविस्तारभीत्या तु तत्संख्यानाद्विरम्यते
ललितापूजनध्यानजपस्तोत्रपरायणाः
स्वस्वपुष्पोत्थमधुभिस्तर्पयन्त्यो महेश्वरीम्
एवं सप्तसु शालेषु पालिकाश्चक्रदेवताः
विस्तारं तत्र शक्तिं च कथयाम्यवधारय
अथ रत्नमयाः शालाः प्रकीर्त्यन्ते ऽवधारय
सप्तयोजनमात्रं स्यान्मध्येन्तरमुदात्दृतम्
रसै रसायनैश्चापि खड्गैः पादाञ्जनैरपि
वसंति विविधास्तत्र पिबन्ति मदिरारसान्
पुष्परागादिजं ज्ञेयमुच्चेन्द्वादित्यभास्वरम्
अन्तरे या स्वली सापि पुष्परागमयी स्मृता
तद्वर्णाः पक्षिणस्तत्र तद्वर्णानि सरांसि च
त्यक्तवन्तो वपुः पूर्वं ते सिद्धास्तत्र सांगनाः
ते सर्वे ललितादेव्या नामकीर्तनकारिणः
पद्मरागमयः शालश्चतुरस्रः समन्ततः
सिद्धिं प्राप्ता महाराज्ञीचरमाम्भोजसेवकाः
गायन्ति ललितादेव्या गीतिबन्धान्मुहुर्मुहुः
भर्तृभिः सहचारिण्यः पिबन्ति मधुरं मधु