दिनमिश्रा तमिस्रा च ज्योत्स्नी चैव तु पक्षिणी
राका चानुमतिश्चैव तथैवामावस्यिका पुनः
एता षोडशमात्रस्थाः शक्तयः षोडश स्मृताः
मुहुर्ताः कुतपाहोरा शुक्लपक्षस्तथैव च
संवत्सरा च परिवत्सरेडावत्सरापि च
इद्वत्सरा ततश्चेन्दुवत्सरावत्सरे ऽपि च
एतास्तु शक्तयो नागपत्रांभोरुहसंस्थिताः
द्वारपालकतां प्राप्तं कालच क्रस्य भास्वतः
दधानाः श्यामलाकाराः सर्वाः कालस्य योषितः
निषेवन्ते महाकालं कालचक्रासनस्थितम्
वसन्तर्तुर्महातेजा ललिताप्रियकिङ्करः
पुष्पायुधः पुष्पभूषः पुष्पच्छत्रेण शोभितः
प्रसूनमदिरामत्ते प्रसूनशरलालसे
ललिताकिङ्करो नित्यं तस्यास्त्वाज्ञाप्रवर्तकः
हरिचन्दनवाटी तु मुने वर्षर्तुना स्थिता
वज्राट्टहासमुखरो मत्तजीमूतवाहनः
ललितापूजनध्यानजपस्तोत्रपरायणः
नभःश्रीश्च नभस्यश्रीः स्वरस्वारस्वमालिनी
वर्षयन्ती चिबुणिका वारिधारा च शक्तयः
ताभिः समं स वर्षर्तुः शक्तिभिः परमेश्वरीम्
ललिताभक्तदेशांस्तु भूषयन्स्वस्य सम्पदा
वर्तते सततं देवीकिङ्करौ जलदागमः
तां कक्षां रक्षति श्रीमांल्लोकचित्तप्रसादनः
अभ्यर्चयति साम्राज्ञीं श्रीकामेश्वरयोषितम्
सदा प्रसन्नवदनो ललिताप्रियकिङ्करः
पारिजातस्य वाटीं तु रक्षति ज्वलनार्दनः
कदम्बवनवाट्यास्तु रक्षकः शिशिराकृतिः
सा कक्ष्या तेन सर्वत्र शीशिरीकृतभूतला
ताभ्यां सहार्चयत्यंबां ललितां विश्वपावनीम्
प्रथमोद्यानपालस्तु महाकालो मया श्रितः