शिंशपाश्च शिरीषाश्च देवदारुनमेरवः
एलालवङ्गास्तक्कोलास्तथा कर्पूरशाखिनः
काञ्चनाराश्च लकुचाः पनसा हिङ्गुलास्तथा
गणिकाश्च कुरण्टाश्च बन्धुजीवाश्च दाडिमाः
यूथिकास्तालपर्ण्यश्च तुलस्यश्च सदाफलाः
इक्षवः क्षीरिणश्चैव श्लेष्मान्तकविभीतकाः
भल्लातकाश्च खदिराः शाखोटाश्चन्दनद्रुमाः
उदुंबरार्जुनाश्वत्थाः शमीवृक्षा ध्रुवाद्रुमाः
कपित्थास्तिन्तिणी चैवेत्येवमाध्याः सहस्रशः
नानावृक्षमहोत्सेधा वर्तन्ते वरशाखिनः
चतुरस्रस्ताम्रशालः सिंधुयोजनमुन्नतः
कर्पूरगन्धिभिश्चारुरत्नबीजसमन्वितैः
पीतांबराणि दिव्यानि प्रवालान्येव शाखिषु
ईदृशा वहवस्तत्र कल्पवृक्षाः प्रकीर्तिताः
ताम्रशालस्यान्तराले नागशालः प्रकीर्तिताः
तत्र संतानवाटी स्यान्कल्पवापीसमाकृतिः
कल्पवाटीसमाकारा फलपुष्पसमाकुला
पूर्ववद्गोपुराणां च मुकुटानां च कल्पनम्
आरकूटस्यान्तराले सप्तयोजनदूरतः
तयोर्मध्ये मही प्रोक्ता मन्दारद्रुमवाटिका
रौप्यशालस्तु संप्रोक्तः पूर्वोक्तैर्लक्षणैर्युतः
दिव्यामोदसुसंपूर्णा फलपुष्पभरोज्ज्वला
हेमशालः प्रकथितः पूर्ववद्द्वारशोभितः
तत्र दिव्या नीपवृक्षा योजनद्वयमुन्नताः
येभ्यः कादंबरी नाम योगिनी भोगदायिनी
आमोदलोलभृङ्गालीझङ्कारैः पूरितोदराः
कदंबवनवाट्यास्तु विदिक्षुज्वलनादितः
एकैकस्य तु गे७स्य विस्तारः पञ्चयोजनः
निवासनगरी सेयं श्यामायाः परिकीर्तिता
यदत्रैव गृह तस्या बहुयोजनदूरतः