श्वेतं यदुत्तरं तस्मात्पित्रा दत्तं हिरण्वते
साल्यवन्तं तथा वर्षं भद्राश्वाय न्यवेदयत्
इत्येतानि मयोक्तानि नव वर्षाणि भागशः
यथाक्रमं स धर्मात्मा ततस्तु तपसि स्थितः
प्रियव्रतस्य पुत्रैस्तैः पौतैः स्वायंभुवस्य च
क्रियन्ते प्रलये वृत्ते सप्त सप्तसु पार्थिवैः
यानि किंपुरुषाद्यानि वर्णाण्यष्टौ श्रुतानि तु
विपर्ययो न तेष्वस्ति जरामृत्युभयं न च
न तेष्वस्ति युगावस्था क्षेत्रेष्वष्टासु सर्वशः
नाभिस्त्वज नयत्पुत्रं मेरुदेव्यां महाद्युतिम्
ऋषभाद्भरतो जज्ञे वीरः पुत्रशताग्रजः
हिमाह्वं दक्षिणं वर्षं भरताय न्यवेदयत्
भरतस्यात्मजो विद्वान्सुमतिर्नाम धार्मिकः
पुत्रसंक्रामितश्रीस्तु वनं राजा विवेश सः
तेजसस्यात्मजो विद्वानिन्द्रद्युम्न इति स्मृतः
प्रतीहारः कुलं तस्य नाम्ना जज्ञे तदन्वयः
उन्नेता प्रतिहर्तुस्तु भूमा तस्य सुतः स्मृतः
प्रस्तावेस्तु विभुः पुत्रः पृथुस्तस्य सुतो ऽभवत्
गयस्यापि नरः पुत्रो नरस्यापि सुतो विराट्
धीमतश्च महान्पुत्रो महतश्चापि भौवनः
रजा विरजसः पुत्रः शतजिद्रजसस्तथा
विश्वज्योतिष्प्रधानास्ते यैरिमा वर्द्धिताः प्रजाः
तेषां वंशप्रसूतैस्तु भुक्तेयं भारती पुरा
ये ऽतीतास्तैर्युगैः सार्धं राजानस्ते तदन्वयाः
एवं स्वायं भुवः सर्गो येनेदं पूरितं जगत्
तेषां सृष्टिरियं प्रोक्ता युगैः सह विवर्त्तते
पप्रच्छ नियतं सूतं पृथिव्युद धिविस्तरम्
कियन्ति चैव वर्षाणि तेषु नद्यश्च काः स्मृताः
एतत्प्रबूहि नः सर्वं विस्तरेण यथार्थतः
हन्त वो ऽहं प्रवक्ष्यामि पृथिव्यायामविस्तरम्