वर्धकिं विश्वकर्माणं सुराणां शिल्पकोविदम्
आहूय कृतसत्कारानूचिरे ललिताज्ञया
भवन्तौ सर्वशास्त्रज्ञौ घटनामार्गकोविदौ
युवाभ्यां ललितादेव्या नित्यज्ञानमहोदधेः
कर्तव्या श्रीनगर्यो हि नानारत्नैरलङ्कृताः
विश्वत्राणाय सततं निवासं रचयिष्यति
सर्वलोकप्रियं चैतत्तन्नाम्नैव विरच्यताम्
विश्वकर्ममयौ नत्वा व्यभाषेतां तथास्त्विति
केषु क्षेत्रेषु कर्तव्याः श्रीनगर्यो महोदयाः
क्षेत्राणां प्रविभागं तु कल्पयन्तौ यथोचितम्
हेमकूटे हिमगिरौ पञ्चमे गन्धमादने
क्षेत्राणि हि नवैतानि भौमानि विदितान्यथ
लवणो ऽब्धीक्षुसाराब्धिः सुराब्धिर्घृतसागरः
पूर्वोक्ता नव शैलेन्द्राः पश्चात्सप्त च सिन्धवः
सृजतं दिव्यघटनापण्डितौ शिल्पिनौ युवाम्
नामानि नित्यानाम्नैव प्रथितानि न संशयः
सर्वं कलयते देवी कलनाङ्कतया जगत्
अतस्तदीयनाम्ना तु सनामा प्रथिता पुरा
नित्यक्लिन्नापुरीत्यादिनामानि प्रथितान्यलम्
महाशिल्पप्रकारेण पुरीं रचयतां शुभाम्
प्रोक्तौ तौ श्रीपुरीस्थेषु तेषु क्षेत्रेषु चक्रतुः
कथयाम्यहमाधार्य लोपामुद्रापते शृणु
चतुर्दशजगच्चक्रसंप्रोतनिजविग्रहः
मध्यस्थलेषु जातानि प्रोच्छ्रायस्तेषु कथ्यते
शतयोजनविस्तारं तेषु लोकास्त्रयो मताः
एतेषां गृहविन्यासान्वक्ष्याम्यवसरान्तरे
चतुःशतं योजनानामुच्छ्रितं विस्तृतं तथा
चतुःशतं योजनानां विस्तृत कुम्भसंभव
प्राकारः प्रथमः प्रोक्तः कालायसविनिर्मितः
चतुर्दिक्षु द्वार्युतश्च चतुर्योजनमुच्छ्रितः