सहस्रार्जुनसंख्यातान्क्षणादेव व्यनाशयन्
तस्माद्धुङ्कारतो जातश्चन्द्रहासकृपाणवान्
गृहीत्वा शक्तिसैन्यं तदतिदूरममर्दयत्
कोदण्डरामः समभूल्लक्ष्मणेन समन्वितः
नीलोत्पलदलश्यामो धनुर्विस्फारयन्मुहुः
लक्ष्मणो मेघनादं च महावीरमनाशयत्
तस्मादनेकशो जाताः कपयः पिङ्गलोचनाः
व्यनाशयच्छक्तिसैन्यं क्रूरक्रेङ्कारकारिणः
आविर्बभूव तालाङ्कः क्रोधमध्यारुणेक्षणः
द्विविदास्त्रसमुद्भूतान्कपीन्सर्न्वान्व्यनाशयन्
तस्मादस्त्रात्समुद्भूता बहवो नृपदानवाः
पैण्ड्रको वासुदेवश्च रुक्मी डिंभकहंसकौ
कंसश्चाणूरमल्लश्च मुष्टिकोत्पलशेखरौ
पूतना शकटश्चैव तृणावर्तादयो ऽसुराः
अनेके सह सेनाभिरुत्थिताः शस्त्रपाणयः
श्रीदेवीवामहस्ताब्जानामिकानखसंभवः
वासुदेवो द्वितीयस्तु संकर्षण इति स्मृतः
तानशेषान्दुराचारान्भूमभोरप्रवर्तकान्
नाशयामासुरुर्वीशवेषच्छन्नान्महासुरान्
धर्मविप्लावकं घोरं कल्यस्त्रं सममुञ्चत
किराताः शबरा हूणा यवनाः पापवृत्तयः
ललिताशक्तिसैन्यानि भूयोभूयो व्यमर्दयन्
कनिष्ठिकानखोद्भूतः कल्किर्नाम जनार्दनः
तस्यैव ध्वनिना सर्वे वज्रनिष्पेषबन्धुना
दशावतारनाथास्ते कृत्वेदं कर्म दुष्करम्
ललितांबानियुक्तास्ते वैकुण्ठाय प्रतस्थिरे
महामोहास्त्रमसृजच्छक्तयस्तेन मूर्छिताः
अस्तशैलङ्गभस्तीशो गन्तुमारभतारुणः
सर्वा अक्षौहिणीस्तस्य भस्मसादकरोद्रणे
चत्वारिंशच्चमूनाथान्महाराज्ञी व्यमर्दयत्