कीर्त्तयन्पुण्यकीर्त्तीनां महतीं सिद्धिमाप्नुयात्
तुल्याभिमानिनः सर्वे जायन्ते नामरूपतः
ऋषयो मनवश्चैव सर्वे तुल्यप्रयोजनाः
विस्तरेणानुपूर्व्या च कीर्त्य मानं निबोधत
यैरियं पृथिवी सर्वा सप्तद्वीपा सपत्तना
स्वायंभुवेंऽतरे पूर्वमाद्ये त्रेतायुगे तथा
प्रजा सत्त्वतपोयुक्तैस्तैरियं विनिवेशिता
कन्या सा तु महाभाग कर्दमस्य प्रजा पतेः
तयोर्वै भ्रातरः शूराः प्रजापतिसमा दश
ज्योतिष्मान् द्युतिमान्हव्यः सवनः सभ्र एव च
द्वीपेषु तेषु धर्मेण द्वीपान्ताश्च निबोधत
प्लक्षद्वीपेश्वरश्चापि तेन मेधातिथिः कृतः
ज्योतिष्मन्तं कुशद्वीपे राजानं कृतवान्प्रभुः
शाकद्वीपेश्वरं चापि हव्यं चक्रे प्रियव्रतः
पुष्करे सवनस्याथ महावीतः सुतो ऽभवत्
महावीतं स्मृतं वर्षं तस्य नाम्ना महात्मनः
हव्यो व्यजनयत्पुत्राञ् शाकद्वीपेश्वराञ् प्रभुः
कुसुमोत्तरमोदाकौ सप्तमं च महाद्रुगम्
कुमारस्य तु कौमारं द्वितीयं परिकीर्तितम्
मणीवस्य चतुर्थं तु मणीवकमिहोच्यते
मोदकस्यापि मोदाकं षष्ठं वर्षं प्रकीर्त्तितम्
तेषां तु नामभिस्तानि सप्त वर्षाणि तत्र वै
कुशलो मनोनुगस्छोष्णः पावनश्चान्धकारकः
तेषां स्वनामभिर्देशाः क्रैञ्चद्वीपाश्रयाः शुभाः
देशो मनोनुगस्यापि मानोनुगे इते स्मृतः
अन्धकारस्य देशस्तु आन्धकारः प्रकीर्त्तितः
एते जनपदाः सप्त क्रैञ्चद्वीपे तु भास्वराः
उद्भिज्जो वेणुमांश्चैव वैरथो लवणो धृतिः
उद्भिज्जं प्रथमं वर्षं द्वितीयं वेणुमण्डलम्
पञ्चमं धृतिमद्वर्षं षष्ठं वर्षं प्रभाकरम्