कङ्कमारुह्य समरे चकाशे गिरिसन्निभम्
भेरुण्डपतनारूढः प्रचण्डयुद्धमातनोत्
उवाह समरे चण्डः कुक्कुटो ऽतिभयङ्करः
पश्यन्पुरः शक्तिसैन्यं चचाल चरणायुधः
वज्रनिष्ठुरघोषश्च प्राचलत्प्रेतवाहनः
प्रेतो भूतसमाविष्टस्तमुवाह रणाजिरे
प्रोतो वाहनतां प्राप्तःकरालाक्षमथावहत्
सर्दयामास शक्तीनां सैन्यं वेतालवाहनः
श्मशानभूमौ वेतालो मन्त्रेणानेन साधितः
बहुधायुध्यत तदा शक्तिभिः सह दानवः
शक्तीनां सैनिकं तत्र व्याकुलीचक्रुरुद्धताः
तेन दत्तो वरस्तेषां तपस्तुष्टेन भास्वता
परितुष्टो ऽस्मि भद्रं वो भवन्तो वृणतां वरम्
प्रार्थयामासुरत्यर्थं दुर्दान्तं वरमीदृशम्
भवता घोरतेजोभिर्दहता प्रतिरोधिनः
तदाक्षिविषयः सर्वो निश्चेष्टो भवतात्प्रभो
स्तब्धशस्त्रा भविष्यन्ति प्रतिरोधकसैनिकाः
निश्चेष्टा रिपवो ऽस्माभिर्हन्तव्याः सुकरत्वतः
वरदानेन ते तत्र युद्धे चेरुर्मधोद्धताः
शक्तयः स्तब्धशस्त्रौघा विफलोत्सा हतां गताः
विष्टंभितास्त्रशस्त्राणां शक्तीनां नोद्यमो ऽभवत्
अभिभूताः सनिश्वासं शक्तयो जोषमासत
व्यमर्दयञ्छक्तिसैन्यं दैत्याः स्वस्वामिदेशिताः
अक्षुभ्यन्त शरैस्तेषां वज्रकङ्कटभोदिभिः
सुपल्लवा रणे रेजुः कङ्कोललतिका इव
चुक्रुशुः शक्तयः सर्वास्तैः स्तंभितनिजायुधाः
तिरस्करणिका देवी समुत्तस्थौ रणाजिरे
महामाया समारुह्य शक्तीनामभयं व्यधात्
श्यामच्छाये तमोलिप्ते श्यामयुक्ततुरङ्गमे
सिंहनादं विनद्येषूनवर्षत्सर्पसन्निभान्