वज्रसंपातसदृशा नासाचीत्कार कारिणः
पराक्रमं बहुविधं तेनिरे ते निरेनसः
विनष्टाः प्रत्यवयवं विनेशुर्दानवाधमाः
एवं वज्रमयैर्बभुमण्डलैः शण्डिते बले
संग्राममधिकं तेनुः समाकृष्टशरासनाः
पट्टिशेन करङ्कस्य चिच्छेद कठिनं शिरः
उत्पत्योत्पत्य तार्क्ष्येण व्यलुनादसिना शिरः
तादृशं लाघवं दृष्ट्वा नकुल्या श्यामलांबिका
निजाङ्गदेवतत्त्वं च तस्यै श्यामांबिका ददौ
हतशिष्टा भीतभीता नकुलीशरणं गताः
भवद्राज्ञे रणोदन्तमशेषं च निबोधत
मुदितास्ते पुनर्भीत्या शून्यकायां पलायिताः
तदुदन्तं ततः श्रुत्वा भण्डश्चण्डो रुषाभवत्
कुजलाशमिति प्रोचे युयुत्साव्याकुलाशयः
करङ्काद्यश्चमूनाथाः कन्दलद्भुजविक्रमाः
पापीयस्या तया गूढमायया विनिपातिताः
तानुदग्रभुजासत्त्वान्प्राहिणु प्रधनं प्रति
ते मर्दयित्वा ललितासैन्यं मायापरायणाः
कीकसगर्भसंजातास्ते प्रचण्डपराक्रमाः
तेषामवश्यं विजयो भविष्यति रणाङ्गणे
बलाहकमुखान्सप्त सेनानाथान्मदोत्कटान्
अन्यः फालमुखश्चैव विकर्णो विकटाननः
भण्डासुरं नमस्कृत्य युद्धकौतूहलोल्वणाः
अन्योन्यसुसहायाश्च निर्जगमुर्नगरान्तरात्
उल्लिखन्ति केतुजालैरंबरे घनमण्डलम्
पिबन्ति धूलिकाजालैरशेषानपि सागरान्
नभोगुणमयं विश्वमादधानाः पदेपदे
प्रवेष्टुमिव विश्वस्मिन्कैकसेयाः प्रतस्थिरे
उद्दीप्तशस्त्रभरणाश्चेलुर्द्दीप्तोर्ध्वकेशिनः
भण्डासुरेण महता जगद्विजयकारिणा