व्यभ्रमन्समरे घोरे विषघ्नाः स्वर्णबभ्रवः
उत्फुल्ला नकुला व्यात्तवदना व्यदशन्नहीन्
तीक्ष्णदन्तनिपातेन खण्डयामास विग्रहम्
लिहन्तो नकुला जिह्वापल्लवैः पुप्लुवुर्मृधे
मुहुः कुण्डलितैर्भोगैः पन्नगानां व्यचेष्टत
फणाभरसमुत्कीर्णा मणयो व्यरुचन्रणे
फणयस्तन्महाद्रोहवह्विज्वाला इवाबभुः
मायामये सर्पजाले सर्पिणी कोपमादधे
गारुडास्त्रमतिक्रूरं समाधत्त शिलीमुखे
प्रविश्य सर्पिणीदेहं सर्पमायां व्यशोषयत्
क्रोधं च तद्विनाशेन प्राप्ताः पञ्च चमूवराः
सा सर्पिणी कथाशेषं नीता नकुलवीर्यतः
एकोद्यमेन शस्त्रौघैर्नकुलीं तामवाकिरन्
लघुहस्ततया युद्धे चक्रे वै शस्त्रवर्षिणी
वज्रसारमयैर्दन्तैर्व्यदशन्मर्म सीमसु
उदग्रदंशनकुलैर्नकुलैराकुलीकृताः
देशन्तस्तद्द्विषां सैन्य सकुलाः प्रज्वलक्रुधः
पृष्ठतो प्यदशन्केचिदा गत्य व्याकृतक्रियाः
नकुलैरभिभूतास्ते न्यपतन्नमरद्रुहः
भोगिभोगानि वाकृष्य व्यदशन्रसनातलम्
सूक्ष्मरूपा विशन्तिस्म नानारन्ध्राणि बभ्रवः
निजसैन्यानि दीनानि करङ्कः कोपमास्थितः
अन्ये ऽपि च चमूनाथा लघुहस्ता महाबलाः
बभ्रूणां दन्तकोटीषु कठोरघट्टनं व्यधुः
पञ्चापि ते चमूनाथविसृष्टैरेकहेलया
विशीर्णगात्रा नकुला नकुलीं पर्यवारयन्
नकुलानां परावृत्त्या महान्तं रोषमाश्रिता
वह्निज्वालापरीताग्रं संदधे शार्ङ्गधन्वनि
वज्राङ्गा वज्रलोमानो वज्रदंष्ट्रा महाजवा
वज्राकारैर्नशैस्तूर्ण दारयन्तो महीतलम्