धूम्रवर्णा च धूम्रोष्ठी धूम्रवर्मपयोधरा
पुरश्चचाल शक्तीनान्त्रासयन्ती मनो रणे
सर्पाणामुद्भवस्थानं मायामयशरीरिणाम्
वेल्लितं बहुधा चक्रे घोरारावविराविणी
करङ्काद्या दुरात्मानः पञ्चपञ्चत्त्वकामुकाः
अन्योन्यवीरभाषाभिः प्रोत्साहितघनक्रुधाम्
शक्तयो दानवश्चैव प्रजहुः शस्त्रपाणयः
प्रवृत्तविशिखस्रोतःप्रच्छन्नहरिदन्तरे
मांसकर्दमनिर्मग्ननिष्पन्दरथमण्डले
अतिनिष्ठुरविध्वंसि सिंहनादभयङ्करे
शस्त्रीशरणिविच्छिन्नदैत्यकण्ठोत्थितासृजि
सर्पिणी बहुधा सर्पान्विससर्ज शरीरतः
नानाविधवपुर्वर्णा नानादृष्टिभयङ्कराः
दारदं वत्सनाभं च कालकूटमथापरम्
प्रतिपन्नं शौक्लिकेयमन्यान्यपि विषाणि च
विकिरन्तः शक्तिसैन्ये विसम्रुः सर्पिणीतनोः
सर्पिण्या नयनद्वन्द्वा दुत्थिताः क्रोधदीपिताः
सर्पिण्याः कर्णकुहरादुत्थिताः सर्पकोटयः
आस्यादा नीलवपुषः सर्पिण्याः फणिनो ऽभवन्
नासिकाविवरात्तस्या उद्गता उग्ररोचिषः
नाभिकुण्डाच्च बहवो रक्तवर्णा भयानकाः
विदशन्तः शक्तिसेनां दहन्तो विषवह्निभिः
अत्यन्तमाकुलां चक्रुर्ललितेशीचमूममी
खण्ड्यमाना अपि मुहुः शक्तीनां शस्त्रकोटिभिः
नश्यन्ति बहवः सर्पा जायन्ते चापरे पुनः
मूलभूता यतो दुष्टा सर्पिणी न विनश्यति
ततश्चशक्तिसैन्यानां शरीराणि विषानलैः
किङ्कर्तव्यविमूढेषु शक्तिचक्रेषु भोगिभिः
करीन्द्री गर्दभशतैर्युक्तं स्यन्दनमास्थितः
वज्रदन्ताभिधश्चान्यो भण्डदैत्यचमूपतिः