कुरण्डो न्यपतद्भूमौ वज्ररुग्ण इव द्रुमः
तत्सैन्यं पाशनिष्यन्दं भक्षयित्वा क्षयं गताः
हतावशिष्टास्ते दैत्याः प्रपलायन्त वै द्रुतम्
श्रुत्वा शून्यकनाथो ऽपि निशश्वास भुजङ्गवत्
कुटिलाक्षमिदं प्रोचे पुनरेव युयुत्सया
यच्च नो शङ्कितं चित्ते तदेतत्कष्टमागतम्
दुष्टदास्याः प्रभावो ऽयं मायाविन्या महत्तरः
शतमक्षौहिणीनां च प्रस्थापय रणाङ्गणे
सर्वथैव विजेष्यन्ते दुर्विदग्धविलासिनीम्
कुटिलाक्षः करङ्कादीनाजुहाव चमूपतीन्
अग्नौ प्रविष्णव इव क्रोधान्धा निर्ययुः पुरात्
आकर्ण्य दिग्गजास्तूर्णं शीर्णकर्णा जुघूर्णिरे
उत्तरङ्गतुरङ्गादि बभौ मत्तमतङ्गजम्
बृंहमाणगजं गर्जद्रथयक्रं चचाल तत्
बभूवे तुहिनासारच्छन्नेनेव विवस्वता
क्वचिच्छब्दमयं चैव निःसाणकठिनस्वनैः
इयत्तयातः सेनायाः संख्यापि परिभाविता
प्रचेलुर्धूलिकाजाले मत्स्या इव महोदधौ
वित्रेसुरमराः सर्वे शक्तीनां भङ्गशङ्कया
सर्पिणीं नाम समरे मायां चक्रुर्महीयसीम्
धूम्रवर्णा च धूम्रोष्ठी धूम्रवर्मपयोधरा
पुरश्चचाल शक्तीनान्त्रासयन्ती मनो रणे
सर्पाणामुद्भवस्थानं मायामयशरीरिणाम्
वेल्लितं बहुधा चक्रे घोरारावविराविणी
करङ्काद्या दुरात्मानः पञ्चपञ्चत्त्वकामुकाः
अन्योन्यवीरभाषाभिः प्रोत्साहितघनक्रुधाम्
शक्तयो दानवश्चैव प्रजहुः शस्त्रपाणयः
प्रवृत्तविशिखस्रोतःप्रच्छन्नहरिदन्तरे
मांसकर्दमनिर्मग्ननिष्पन्दरथमण्डले
अतिनिष्ठुरविध्वंसि सिंहनादभयङ्करे