वातायनेषु कक्ष्यासु धिष्ण्येषु च खलेषु च
अश्रूयन्त महाघोषाः परुषा भूतभाषिताः
आराविषु करोटीनां कोटयश्चापतन्भुवि
केशौघकाश्च निष्पेतुः सर्वतो धूमधूसराः
निवेदयामासुरमी भण्डाय प्रथितौजसे
असंजातधृतिभ्रंशो मन्त्र स्थानमुपागमत्
अध्यासामास दैत्येन्द्रः सिंहासनमनुत्तमम्
दीपयन्नखिलाशान्तानद्युतद्दानवेश्वरः
तुङ्गसिंहासनस्थं तं सिषेवाते तदानुजै
त्रैलोक्यकण्टकीभूतभुजदण्डभयङ्करौ
त्रैलोक्यविजये लब्धं वर्धयन्तौ महद्यशः
कृतां जरिप्रणामौ च समुपाविशता भुवि
सर्वे सामन्तदैत्येन्द्रास्तं द्रष्टुं समुपागताः
स्वंस्वं नाम समुच्चार्य प्रणेमुर्भण्डकेश्वरम्
संभावयन्समालोकैः कियन्तं चित्क्षणं स्थितः
मथ्यमानमहासिंधुसमानार्गलनिस्वनः
पापिनः पामराचारा दुरात्मानः सुराधमाः
ज्वलज्ज्वालाकुले वह्नौ पतित्वा नाशमागताः
स्वयमेव किलास्राक्षुस्तां देवा वासवादयः
बहुस्त्रीपरिवाराश्च विविधायुधमण्डिताः
अबलानां समूहस्छेद्बलिनो ऽस्मान्विजेष्यते
ऊह्यमानमिदं हन्तुं परिहासाय कल्प्यते
अस्मत्सैनिकनासीरभटेभ्यो ऽपि भवेद्भयम्
ब्रह्मादयश्च निर्विण्णविग्रहा मद्बलायुधैः
अन्येषामिह का वार्ता दिक्पालास्ते पलायिताः
सर्वत्र विद्धवर्माणो दुर्मदा विबुधाः कृताः
अस्माकंविजयायाद्य स्त्री काचिदभिधावति
अल्पो ऽपि रिपुरात्मज्ञैर्नावमान्यो जिगीषुभिः
सकचग्रहमाकृष्य सानेतव्या मदोद्धता
चिरेण चेटिकाभावं सा दुष्टा संश्रयिष्यति