सारसः पञ्चमश्चैव चामुण्डा च तथा परा
गेयच क्ररथेन्द्रस्य सारथिस्तु हसंतिका
दशयोजनमुन्नम्रो ललितारथपुङ्गवः
षड्योजनसमुन्नम्रो किरिचक्ररथो मुने
वर्तते ललितेशान्या रथ एव न चान्यतः
सामान्यमातपत्रं तु तथद्वन्द्वेपि वर्तते
महासाम्राज्यपदवीमारूढा परमेश्वरी
शब्दायन्ते दिशः सर्वाः कंपते च वसुंधरा
देवदुन्दुभयो नेदुर्निपेतुः पुष्पवृष्टयः
तुम्बुरुर्नारदश्चैव साक्षादेव सरस्वती
मुहुर्जयजयेत्येवं स्तुवाना ललितेश्वरीम्
सप्तर्षयो वशिष्ठाद्या ऋग्यजुः सामरूपिभिः
हविषेव महावह्निशिखामत्यन्तपाविनीम्
तैः स्तूयमाना ललिता राजमाना रथोत्तमे
भण्डासुरं विनिर्जेतुमुद्दण्डैः सह सैनिकैः
महान्तं क्षोभमायाता भण्डासुरपुरालयाः
महेन्द्रपर्वतोपान्ते महार्णवतटे पुरम्
विषङ्गाग्रजदैत्यस्य सदावासः किलाभवत्
वित्रेसुर सुराः सर्वे श्रीदेव्यागमसंभ्रमात्
धूमैरिवावृतमभूदुत्पातजनितैर्मुहुः
धूर्णमाना पतन्ति स्म महोल्का गगनस्थलात्
मही जज्वाल सकला तत्र शून्यकपत्तने
ध्वजाग्रवर्तिनः कङ्कगृध्राश्चैव बकाः खगाः
क्रव्यादा बहवस्तत्र लोचनैर्नावलोकिताः
सर्वतो दिक्षुदृश्यन्ते केतवस्तु मलीमसाः
दैत्यस्त्रीणां च विभ्रष्टा अकाले भूषणस्रजः
दपणानां वर्मणां च ध्वजानां खड्गसंपदाम्
सौधेषु चन्द्रशालासु केलिवेश्मसु सर्वतः
चतुष्किकास्वलिङ्गेषु प्रग्रीवेषु वलेषु च
स्वस्तिकेषु च सर्वेषु गर्भागारपुटेषु च