किरिचक्ररथेन्द्रस्य चतुर्थं पर्व संश्रिताः
षडेव देव्यः षट्चक्रज्वलज्ज्वालाकलेवराः
आज्ञया दण्डनाथायास्तं प्रदेशमुपासते
यक्षिणी शङ्खिनी चैव लाकिनी हाकिनी तथा
हाकिनी सप्तमीत्येताश्चण्डदोर्दण्डविक्रमाः
त्वचं रक्तं तथा मांसं मेदो ऽस्थि च विरोधिनाम्
निष्ठुरैः सिंहनादैश्च पूरयन्त्यो दिशो दश
मोहने मारणे चैव स्तंभने ताडने तथा
पण्डिताः खण्डिताशेषविपदो भक्तिशालिषु
सप्तापि वारिधीनूर्मिमालासंचुंबितांबरान्
शकटा कारदन्ताश्च भयङ्करविलोचनाः
वैदिकद्रोहणादेव द्रोहिणां वीरवैरिणाम्
नित्यमेव च सेवन्ते पोत्रिणीं दण्डनायिकाम्
क्रोधिनी स्तंभिनी ख्याते वर्तेते देवते उभे
देवद्विषां चमूरक्तहालापानमहोद्धते
अथ तस्य रथेन्द्रस्य किरिचक्राश्रितस्य च
हलं च मुसलं चैव देवतारूपमास्थितम्
आबिभ्राणं जग षिघस्मरं विबुधैः स्मृतम्
खण्डयिष्यति संग्रामं विषङ्गं नामदानहम्
वर्त्तमानो महाभीमः सिंहो नादैर्ध्वनन्नभः
चण्डोच्चण्ड इति ख्यातश्चतुर्हस्तस्त्रिलोचनः
सदा संसेवते देवीं पश्यन्नेव हि पोत्रिणीम्
वार्त्ताल्याद्या अष्ट देव्यो दिक्ष्वष्टासूपविश्रुताः
अष्टनागस्फुरद्भूषा अनष्टबलतेजसः
सेवन्ते ललितां देव्यो दण्डनाथामहर्निशम्
वार्ताली चैव वाराहीसा वाराहमुखी परा
स्तंभिनीति रिपुक्षोभस्तंभनोच्चाटनक्षमाः
दण्डनाथोपवाह्यस्तु कासरो धूसराकृतिः
खड्गवन्निष्ठुरैर्लोमजातैः संवृतविग्रहः
नीलाञ्जनाचलप्रख्यो विकटोन्नतरुष्टभूः