अहङ्काराकर्षिणी च शब्दाकर्षणिका कला
रसाकर्षणिका नित्या गन्धाकर्षणिका कला
स्मृत्या कर्षणिका नित्या नामाकर्णणिका कला
अमृताकर्षणी नित्या शरीराकर्षिणी कला
अष्टमं पर्व सम्प्राप्ता गुप्ता नाम्ना प्रकीर्तिताः
चतुर्भुजास्त्रिनेत्राश्च चन्द्रार्कमुकुजोज्ज्वलाः
भण्डासुरवधार्थाय प्रवृत्ताः कुम्भसम्भव
सप्तमे पर्वणि कृतावासा गुप्ततराभिधाः
अनङ्गलेखा चानङ्गवेगानङ्गाङ्कुशापि च
इक्षुचापं पुष्पशरान्पुष्पकन्दुकमुत्पलम्
भण्डासुरमभिक्रुद्धाः प्रज्वलन्त्य इव स्थिताः
सर्वसंक्षोभिणीमुख्याः सम्प्रदायाख्यया युताः
अतितीव्रस्वभावाश्च कालानलसमत्विषः
वह्निचक्राख्याफलकं दधाना दीप्तविग्रहाः
आज्ञाशक्तय एवैता ललिताया महौजसः
सर्वाकर्षणिका शक्तिः सर्वाह्लादिनिका तथा
सर्वजृंभणशक्तिश्च सर्वोन्मादनशक्तिका
सर्वमन्त्रमयी शक्तिः सर्वद्वन्द्वक्षयङ्करी
अथ पञ्चमपर्वस्थाः कुलोत्तीर्णा इति स्मृताः
गदां घण्टां मणिं चैव दधाना दीप्तविग्रहाः
एतासामपि नामानि समाकर्मय कुम्भज
सर्वप्रियङ्करी देवी सर्वमङ्गलकारिणी
सर्वकामप्रदा देवी सर्वदुःखविमोचिनी
सर्वाङ्गसुन्दरी देवी सर्वसौभाग्यदायिनी
चक्रे तुरीयपर्वस्था मुक्ताहारसमत्विषः
सर्वज्ञा सर्वशक्तिश्च सर्वैश्वर्यप्रदा तथा
सर्वाधारस्वरूपा च सर्वपापहरा तथा
दशमी देवताज्ञेया सर्वेष्सितफलप्रदा
चक्रं चैवाभिबिभ्राणा भण्डासुरवधोद्यताः
रहस्ययोगिनीनाम्ना प्रख्याता वागधीश्वराः