वाराही चैव मांहेन्द्री चामुण्डा चैव सप्तमी
कपालमुत्पलं चैव बिभ्राणा रक्तवाससः
ब्रह्मादिसदृशाकारा ब्रह्मादिसदृशायुधाः
तासामूर्ध्वस्थानगतां मुद्रा देव्यो महत्तराः
दाडिमीपुष्पसङ्काशाः पीतांबरमनोहराः
मदरक्तविलोलाक्ष्यस्तासां नामानि मच्छृणु
सर्वाकर्षणकृन्मुद्रा तथा सर्ववशङ्करी
सर्वखेचरिका मुद्रा सर्वबीजा तथापरा
सिद्धिब्राहयादिमुद्रास्ता एताः प्रकटशक्तयः
या गुप्ताख्याः पूर्वमुक्तास्तासां नामानि मच्छृणु
अहङ्काराकर्षिणी च शब्दाकर्षणिका कला
रसाकर्षणिका नित्या गन्धाकर्षणिका कला
स्मृत्या कर्षणिका नित्या नामाकर्णणिका कला
अमृताकर्षणी नित्या शरीराकर्षिणी कला
अष्टमं पर्व सम्प्राप्ता गुप्ता नाम्ना प्रकीर्तिताः
चतुर्भुजास्त्रिनेत्राश्च चन्द्रार्कमुकुजोज्ज्वलाः
भण्डासुरवधार्थाय प्रवृत्ताः कुम्भसम्भव
सप्तमे पर्वणि कृतावासा गुप्ततराभिधाः
अनङ्गलेखा चानङ्गवेगानङ्गाङ्कुशापि च
इक्षुचापं पुष्पशरान्पुष्पकन्दुकमुत्पलम्
भण्डासुरमभिक्रुद्धाः प्रज्वलन्त्य इव स्थिताः
सर्वसंक्षोभिणीमुख्याः सम्प्रदायाख्यया युताः
अतितीव्रस्वभावाश्च कालानलसमत्विषः
वह्निचक्राख्याफलकं दधाना दीप्तविग्रहाः
आज्ञाशक्तय एवैता ललिताया महौजसः
सर्वाकर्षणिका शक्तिः सर्वाह्लादिनिका तथा
सर्वजृंभणशक्तिश्च सर्वोन्मादनशक्तिका
सर्वमन्त्रमयी शक्तिः सर्वद्वन्द्वक्षयङ्करी
अथ पञ्चमपर्वस्थाः कुलोत्तीर्णा इति स्मृताः
गदां घण्टां मणिं चैव दधाना दीप्तविग्रहाः