खड्गं फलकमादाय पुप्लुवुश्चण्डसक्तयः
निवारयन्त्यो वेत्रिण्यो व्युच्छलन्ति स्मशक्तयः
सिहाङ्काश्चैव बिभ्राणाः शक्तयो व्यचलन्पुरा
स्फुरत्कराः प्रचलिताः शक्तयः काश्चिदाददुः
छत्रैर्गगनमारेजे निःसंख्याशशिमण्डितम्
तिमिरं नुनुदे भूयस्तत्काण्डमणिरोचिषा
तालवृन्ताः शतविधाः क्रोडमुख्या बले ऽचलन्
ज्वलत्केशापिशङ्गाभास्तडिद्भासुरदिङ्मुखाः
प्रचेलुर्दण्डनाथायास्सेना नासीरधाविताः
तत्समानायुधकरास्तत्समानस्ववाहनाः
तमालश्यामलाकाराः कपिलाः क्रूरलोचनाः
अथ श्रीदण्डनाथा च करिचक्ररथोत्तमात्
वज्रघोष इति ख्यातं धूतकेसरमण्डलम्
दंष्ट्राकटकटत्कारबधिरीकृतदिक्तटम्
विबन्तमिव भूचक्रमापातालं निमज्जिभिः
सिंहवाहनमारुह्य व्यचलद्दण्डनायिका
उद्वेगं बहुलं प्राप त्रैलोक्यं सचराचरम्
किं वा मुसलघातेन भूमिं द्वेधा करिष्यति
इति त्रस्तहृदः सर्वे गगने नाकिनां गणाः
मुहुर्द्वादशनामानि कीर्तयन्तो नभस्तले
अश्वानन महाप्राज्ञ येषु मे कौतुकं महत्
पञ्चमी दण्डनाथा च संकेता समयेश्वरी
वार्ताली च महासेनाप्याज्ञा चक्रेश्वरी तथा
संकटे दुःखमाप्नोति न कदाचन मानवः
तेषामनुग्रहार्थाय प्रचचालच सा पुनः
निर्याणसूचनकरी दिवि दध्वान काहली
वीणासंयतपाणीनां शक्तीनां निर्ययौ बलम्
वीणावेणुमृदङ्गाद्याः सविलासपदक्रमाः
मयूरवाहनाः काश्चित्कतिचिद्धंसवाहनाः
सर्वाश्च श्यामलाकाराः काश्चित्कर्णीरथस्थिताः