प्रायश्चित्तोपभोगाभ्यां विना नाशो न जायते
तत्सर्वं श्रोतुमिच्छामि तन्मे विस्तरतो वद
कर्म पञ्चविधं प्राहुर्दुष्कृतं धरणीपतेः
चतुष्पदो ऽण्डजाब्जाश्च तिर्यचो ऽनस्थिकास्तथा
दशपञ्चत्रिरेकार्धमानुपूर्व्यादिदं भवेत्
पितृमातृगुरुस्वामि पुत्राणां चैव निष्कृतिः
दशब्राह्मणभृत्यर्थमेकं हन्याद्द्विजं नृपः
पञ्चब्रह्मविदामर्थे त्रैश्यमेकं तु दण्डयेत्
तथा शतविशामर्थे द्विजमेकं तु दण्डयेत्
तच्छतार्थं तु वा वैश्यं तद्दशार्द्धं तु शूद्रकम्
अर्थं कलत्रपुत्रार्थे स्वात्मार्थे न तु किञ्चन
गां वा तुरगमन्यं वा हत्वा दोषैर्न लिप्यते
क्रमाद्दशगुणो दोषो रक्षणे च तथा फलम्
एकद्विपञ्चाशदथायुतं च स्यान्निष्कृतिश्चेति वदन्ति संतः
तेषां च दर्शनविधौ नमने चकार्ये शूश्रूषणे ऽपि चरतां सदृशांश्च तेषाम्
नृपो हन्याच्च सततं देवार्थे ब्राह्मणार्थके
आपत्स्वात्मार्थके चापि हत्वा मेध्यानि भक्षयेत्
देवार्थे ब्राह्मणार्थे वा पचमानो न लिप्यते
ससर्ज सर्वदेवांश्च तथैवासुरमानुषान्
यज्ञाश्च तद्विधानानि कृत्वा चैनानुवाच ह
इष्टानि ये प्रदास्यन्ति पुष्टास्ते यज्ञभाविताः
दरिद्रो नारकश्चैव भवेज्जन्मनि जन्मनि
महदागमने चैव हन्यान्मेध्यान्पशून्द्विजः
विहितानि तु कार्याणि प्रतिषिद्धानि वर्जयेत्
ममायमिति देवानां कलहः समजायत
विभज्यैकैकशः प्रदाद्ब्रह्मा लोकपितामहः
कुपिताभूत्ततो ब्रह्मा तामुवाच नयान्वितः
प्राञ्जलिः प्रणतस्तुत्वा प्रसीदेति पुनः पुनः
त्वयैतदखिलं कर्म निर्मितं सुशुभाशुभम्
त्वयैव कल्पिता यागा मन्मुखात्तु महाक्रतौ