शृणुयाच्छ्रावयेद्वापि तथाध्यापयते ऽपि च
ब्रह्मसायुज्यगो भूत्वा ब्रह्मणा सह मोदते
प्रथयन्पृथिवीशानां ब्रह्मभूयाय गच्छति
कृष्णद्वैपायनेनोक्तं पुराण ब्रह्मवादिना
देवतानामृषीणां च भूरिद्रविमतेजसाम्
यश्चेदं श्रावयेद्विद्वान्सदा पर्वणि पर्वणि
यश्चेदं श्रावयेच्छ्राद्धे ब्राह्मणान् पादमन्ततः
यस्मात्पुरा ह्यणन्तीदं पुराणं तेन चोच्यते
तथैव त्रिषु वर्णेषु ये मनुष्या अधीयते
यावन्त्यस्य शरीरेषु रोमकूपानि सर्वशः
ब्रह्मसायुज्यगो भूत्वा दैवतैः सह मोदते
ब्रह्मा ददौ शास्त्रमिदं पुराणं मातरिश्वने
बृहस्पतिस्तु प्रोवाच सवित्रे तदनन्तरम्
इन्द्रश्चापि वसिष्ठाय सो ऽपि सारस्वताय च
शरद्वांस्तु त्रिविष्टाय सोंऽतरिक्षाय दत्तवान्
त्रय्यारुणाद्धनञ्जयः स वै प्रादात्कृतञ्जये
गौतमाय भरद्वाजः सो ऽपि निर्य्यन्तरे पुनः
स ददौ सोमशुष्माय स चादात्तृणबिन्दवे
शक्तेः पराशरश्चापि गर्भस्थः श्रुतवानिदम्
द्वैपायना त्पुनश्चापि मया प्राप्तं द्विजोत्तम
इत्येव वाक्यं ब्रह्मादिगुरुणां समुदात्दृतम्
धन्यं यशस्यमायुष्यं पुण्यं सर्वार्थसाधकम्
नाशुचौ नापि पापाय नाप्यसंवत्सरोषिते
नाहिताय प्रदातव्यं पवित्रमिदमुत्तमम्
वह्निर्वक्त्रं चन्द्रसूर्यौं च नेत्रेदिशः श्रोत्रे घ्राणमाहुश्च वायुम्
सर्वाणि द्यौर्मस्तकानि त्वथो वै विद्याश्चैवोपनिषद्यस्य पुच्छम्
वरं वराणां वरदं महेश्वरं ब्रह्माणमादिं प्रयतो नमस्ये
पुण्ड्रेक्षुपाशाङ्कुशपुष्पबाणहस्ते नमस्ते जगदेकमातः
यतस्तृतीयो विदुषां तृतीयस्तु परं महः
सर्वसिद्धान्तसारज्ञो ब्रह्मानन्दरसात्मकः