विश्वव्यचाः समुद्रो ऽग्निर्ब्रह्मस्थाने स कीर्त्यते
अचौकपादुपस्थो यः स वै शालासुखीयकः
शंस्यस्यैते सुताः सर्वे उपस्थेया द्विजैः स्मृताः
विभुः प्रवाहणो ऽग्नीध्रस्तेषां धिष्ण्यस्तथा परे
होत्रीयस्तु स्मृते ह्यग्निर्वह्निर्यो हव्यवाहनः
ततो ऽग्निर्वैश्वदेवस्तु ब्राह्मणाच्छंसिरुच्यते
आवारिरग्निर्वाभारिर्वैष्ठीयः स विभाव्यते
अष्टमः सुध्युरग्निर्योमार्जालीयः स उच्यन्ते
अपां योनिः स्मृतो ऽसौ स ह्यप्सुनामा विभाव्यते
अग्निः सो ऽवभृथे ज्ञेयो वरुणेन सहेज्यते
मृत्युमाञ् जाठरस्याग्नेर्विद्वानाग्निः सुतः स्मृतः
पुत्रस्त्वग्नेर्मन्युमतो घोरः संवर्तकः स्मृतः
समुद्रवासिनः पुत्रः साहरक्षो विभाव्यते
क्रव्यादग्निः सुतस्तस्य पुरुषानत्ति यो मृतान्
ततः शुचिस्तु वै सौरो गन्धर्वैरायुराहुतः
आयुर्नाम्ना तु भगवानसौ यस्तु प्रणीयते
पाकयज्ञेष्वभीमानी सोग्निस्तु सहसः स्मृतः
विविधिश्चाद्भुतस्यापि पुत्रो ऽग्नेस्तुमाहान्स्मृतः
विविधेस्तु सुतो ह्यर्क्क स्तस्य चाग्नेः सुता इमे
सुरभिर्वसुरन्नादो प्रविष्टो यः स रुकमराट्
इत्येते चाग्नयः प्रोक्ताः प्रणीयन्तेध्वरेषु वै
स्वायंभुवे ऽन्तरे पूर्वमग्नयस्तेभिमानिनः
स्थानाभिमानिनो लोके प्रागासन्हव्यवाहनाः
पूर्वमन्वतंरे ऽतीताः शुकैर्यागैश्च तैः सह
इत्येतानि मजोक्तानि स्थानानि स्थानिनश्च ह
सन्वन्तरेषु सर्वेषु लक्षणं जातवेदसाम्
प्रजानां पतयः सर्वे ज्योतिष्मन्तश्च ते स्मृताः
मन्वन्तरेषु सर्वेषु नामरूपप्रयोजनैः
अनागतैः सुरैः सार्द्धं वर्त्स्यन्ते ऽनागताग्नयः
विस्तरेणानुपुर्व्या च पितॄणां वक्ष्यते पुनः