यथात्रैव सया दृष्टं सांनिध्यं तत्र कुर्वता
ईश्वरः परमाणुत्वाद्भावग्राह्यो मनीषिणाम्
द्रष्टृत्वमात्मसंबन्धमधिष्टातृत्वमेव च
विभुत्वात्खलु योगाढ्यो ब्रह्मणो ऽनुग्रहे रतः
अक्षरं ध्रुवमव्यग्रमष्टमं त्वौपसर्गिकम्
मायया कृतमाचष्टे मायी देवो महेश्वरः
विस्तरेणानुपूर्व्या च ब्रुवतो मे निबोधत
भूलोकाद्ब्रह्मलोको वै योजनैः संप्रकीर्त्यते
ऊर्द्ध्व भागवतो ऽडं तु ब्रह्मलोकात्परं स्मृतम्
नित्या ह्यपरिसंक्षाताः परस्परगुणाश्रयात्
येभ्यो ऽधिकर्त्ता संजज्ञे क्षेत्रज्ञो ब्रह्मसंज्ञितः
अनुत्पाद्यं परं धाम परमाणु परेशयम्
प्रादुर्भावस्तिरोभावः स्थितिश्चैवाप्यनुग्रहः
सतेजा एष तमसो यः पुरस्तात्प्रकाशकः
बृहत्तु सर्वतो वृत्तमीश्वरात्तद्व्यजायते
योनिं प्रकृति माचष्टे सा च नारायणात्मिका
सन्निसर्गः सतत्त्वाच्च लोकधातुर्महात्मनः
त्योर्मध्ये पुरं दिव्यं मन मयमनामयम्
शिवं नाम पुरं तत्र शरणं जन्मभीरुणाम्
अभ्यन्तरं तु विस्तीर्णं महीमण्डलसंस्थितम्
शात कैंभेन महता प्राकारेणार्कवर्चसा
तपनीयनिभैः शुभ्रैर्गाढं सुकृतवेष्टनम्
रम्ये पुरवरश्रेष्ठे तस्मिन्वैहायभूमिषु
सर्वकामसमृद्धेषु वनोपवनशोभिषु
संध्याभ्रसन्निकाशेषु कैलासप्रतिमेषु च
प्रासादवरपृष्ठेषु तेषु मोदन्ति सुव्रताः
गीतवादित्रघोषाश्च संस्रवाश्च समन्ततः
एवमादीनि वर्तन्ते तेषां प्रासादमूर्द्धनि
अनौपम्यैर्वरै रत्नैः सर्वतः संविभूषितः
बालसुर्यमयैश्चापि सौवर्णैश्चाग्निसप्रभैः