पीडाबन्धवधासंगादप्रतीकारलक्षणः
दुःखोत्कर्षस्तु सर्वेषु ह्यधर्मस्य निमित्ततः कूटागारप्र माणैश्च शरीरैस्तत्र नारकाः
दुःखप्रकर्षश्चोग्रस्तु तेषु सर्वेषु वै स्मृतः
दुःखप्रकर्षश्चोग्रस्तु तेषु सर्वेषु वै स्मृतः
तत्रानुभूयते दुःखं क्षीणे कर्मणि वै पुनः
देवांश्च तारकाश्चैव ह्यूर्द्ध्वं चाधश्च संस्थिताः
उपभोगार्थमुत्पत्तिरौपपत्तिककर्मतः
नारकांश्च तथा देवान्सर्वान्पश्यं त्यधेमुखान्
तस्मादूर्द्ध्वमधोभावो लोकालोके न विद्यते
अथाब्रुवन्पुनर्वायुंब्राह्मणाः सत्रिणस्तदा
संसारे संसरन्तीह यावन्तः प्राणिनश्च ते
ऋषीणां तद्वचः श्रुत्वा मरुतो वाक्यमब्रवीत्
चक्षुषा वै प्रसंख्यातुमतो ह्यन्ते न च द्विजाः
ब्रह्मणा संज्ञितं यत्तु संख्यया तन्निबोधत
पार्थिवाः कृमयस्तावत्संसेकाद्येषु संभवः
औदका जन्तवः सर्वे निश्चयात्तन्निधार्यताम्
विहङ्गमास्तु विज्ञेया लौकिकास्ते च सर्वशः
पशवस्तत्समा ज्ञेया लौकिकास्तु चतुष्पदाः
द्विपदास्तत्सहस्रेण संमिता धार्मिकाः पुनः
यः सहस्रतमो भागो धार्मिकाणां भवेद्दिवि
स्वर्गोपपादकैस्तुल्या यातनास्थानवासिनः
रौरवे तमसि ह्येते शीतोष्णं प्राप्नुवन्ति ते
उष्णस्तु रौरवो ज्ञेयस्तेजोघोररसात्मकः
एवं सुदुर्लभाः संतः स्वर्गे वा धार्मिका नराः
गणाना दिनिवृत्तैषा संख्या ब्राह्मी त्वमानुषी
उक्ता ह्येते त्वया लाका लाकानामन्तरण च
स वायुर्दृष्टतत्त्वार्थ इदं तत्त्वमुवाच ह
व्यक्तं तर्केण पश्यन्ति योगात्प्रत्यक्षदर्शिनः
ऋभुः सनत्कुमाराद्याः संबुद्धाः शुद्धबुद्धयः
अक्षयाः प्रीतिसंयुक्ता ब्राह्मे तिष्ठन्ति योगिनः