ते सर्व नरकं यान्ति नियतं तु श्वभोजनम्
कर्माणि ये तु कुर्वन्ति सर्वे निरयवासिनः
सुदारुणस्तु शीतात्मा तस्याधस्तात्तपः स्मृतः
भूमेरधस्तात्सप्तैव नरकाः परिकीर्त्तिताः
रौरवः प्रथमस्तेषां महारौरव एव च
तृतीयः कालसूत्रः स्यान्महाहिर्विविधः स्मृतः
लोहः षष्ठः स्मृतस्तेषामविधेयस्तु सप्तमः
सुदारुणस्तु शीतात्मा त्स्याधस्तात्तपो ऽधमः
अप्रतिष्ठे स्थितिर्नास्ति भ्रमस्तस्मिन्सदा स्मृतः
तस्मात्सुदारुणो लोहः कर्मणां श्रयणाच्च सः
पीडाबन्धवधासंगादप्रतीकारलक्षणः
दुःखोत्कर्षस्तु सर्वेषु ह्यधर्मस्य निमित्ततः कूटागारप्र माणैश्च शरीरैस्तत्र नारकाः
दुःखप्रकर्षश्चोग्रस्तु तेषु सर्वेषु वै स्मृतः
दुःखप्रकर्षश्चोग्रस्तु तेषु सर्वेषु वै स्मृतः
तत्रानुभूयते दुःखं क्षीणे कर्मणि वै पुनः
देवांश्च तारकाश्चैव ह्यूर्द्ध्वं चाधश्च संस्थिताः
उपभोगार्थमुत्पत्तिरौपपत्तिककर्मतः
नारकांश्च तथा देवान्सर्वान्पश्यं त्यधेमुखान्
तस्मादूर्द्ध्वमधोभावो लोकालोके न विद्यते
अथाब्रुवन्पुनर्वायुंब्राह्मणाः सत्रिणस्तदा
संसारे संसरन्तीह यावन्तः प्राणिनश्च ते
ऋषीणां तद्वचः श्रुत्वा मरुतो वाक्यमब्रवीत्
चक्षुषा वै प्रसंख्यातुमतो ह्यन्ते न च द्विजाः
ब्रह्मणा संज्ञितं यत्तु संख्यया तन्निबोधत
पार्थिवाः कृमयस्तावत्संसेकाद्येषु संभवः
औदका जन्तवः सर्वे निश्चयात्तन्निधार्यताम्
विहङ्गमास्तु विज्ञेया लौकिकास्ते च सर्वशः
पशवस्तत्समा ज्ञेया लौकिकास्तु चतुष्पदाः
द्विपदास्तत्सहस्रेण संमिता धार्मिकाः पुनः
यः सहस्रतमो भागो धार्मिकाणां भवेद्दिवि