विस्तारोच्छ्रयिणो रम्या विपुलाश् चित्रसानवः कोलाहलः स वैभ्राजो मन्दरो दर्दलाचलः
Wide, lofty, delightful, and vast, with varied peaks: Kolāhala, Vaibhrāja, Mandara, and Dardalācala.
वातंधयो वैद्युतश् च मैनाकः सुरसस् तथा तुङ्गप्रस्थो नागगिरिर् गोधनः पाण्डराचलः
Vātaṃdhaya, Vaidyuta, Maināka, Surasa, Tuṅgaprastha, Nāgagiri, Godhana, and Pāṇḍarācala.
पुष्पगिरिर् वैजयन्तो रैवतो ऽर्बुद एव च ऋष्यमूकः स गोमन्थः कृतशैलः कृताचलः
Puṣpagiri, Vaijayanta, Raivata, Arbuda, Ṛṣyamūka, Gomantha, Kṛtaśaila, and Kṛtācala.
श्रीपार्वतश् चकोरश् च शतशो ऽन्ये च पर्वताः तैर् विमिश्रा जनपदा म्लेच्छाद्याश् चैव भागशः
Śrīparvata, Cakora, and hundreds of other mountains; among them are mixed peoples and various groups such as the Mlecchas.
तैः पीयन्ते सरिच्छ्रेष्ठास् ता बुध्यध्वं द्विजोत्तमाः गङ्गा सरस्वती सिन्धुश् चन्द्रभागा तथापरा
By these mountains flow the greatest rivers—know them, O best of twice-born: Gaṅgā, Sarasvatī, Sindhu, and another called Candrabhāgā.
यमुना शतद्रुर् विपाशा वितस्तैरावती कुहूः गोमती धूतपापा च बाहुदा च दृषद्वती
Yamunā, Śatadrū, Vipāśā, Vitastā, Irāvatī, Kuhū, Gomatī, Dhūtapāpā, Bāhudā, and Dṛṣadvatī.
विपाशा देविका चक्षुर् निष्ठीवा गण्डकी तथा कौशिकी चापगा चैव हिमवत्पादनिःसृताः
Vipāśā, Devikā, Cakṣur, Niṣṭhīvā, Gaṇḍakī, Kauśikī, and Āpagā—all these arise from the foot of Himavat.
देवस्मृतिर् देववती वातघ्नी सिन्धुर् एव च वेण्या तु चन्दना चैव सदानीरा मही तथा
Devamṛti, Devavatī, Vātaghnī, Sindhu, Veṇyā, Candanā, Sadānīrā, and Mahī as well.
चर्मण्वती वृषी चैव विदिशा वेदवत्य् अपि सिप्रा ह्य् अवन्ती च तथा पारियात्रानुगाः स्मृताः
Carmaṇvatī, Vṛṣī, Vidiśā, Vedavatī, Siprā, Avantī, and those rivers flowing along the Pāriyātra mountains are remembered.
शोणा महानदी चैव नर्मदा सुरथा क्रिया मन्दाकिनी दशार्णा च चित्रकूटा तथापरा
Śoṇā, Mahānadī, Narmadā, Surathā, Kriyā, Mandākinī, Daśārṇā, and Citrakūṭā are other rivers.
चित्रोत्पला वेत्रवती करमोदा पिशाचिका तथान्यातिलघुश्रोणी विपाप्मा शैवला नदी
Citrotpalā, Vetravatī, Karamodā, Piśācikā, Anyātilaghuśroṇī, Vipāpmā, and Śaivalā are rivers as well.
सधेरुजा शक्तिमती शकुनी त्रिदिवा क्रमुः ऋक्षपादप्रसूता वै तथान्या वेगवाहिनी
Sadherujā, Śaktimatī, Śakunī, Tridivā, Kramuḥ, and those born from the roots of ṛkṣa trees, along with other swift-flowing rivers.
सिप्रा पयोष्णी निर्विन्ध्या तापी चैव सरिद्वरा वेणा वैतरणी चैव सिनीवाली कुमुद्वती
Siprā, Payoṣṇī, Nirvindhyā, Tāpi, Veṇā, Vaitaraṇī, Sinīvālī, and Kumudvatī are excellent rivers.
तोया चैव महागौरी दुर्गा चान्तःशिला तथा विन्ध्यपादप्रसूतास् ता नद्यः पुण्यजलाः शुभाः
Toyā, Mahāgaurī, Durgā, Antaḥśilā, and those rivers born from the roots of the Vindhya mountains, all possessing holy and auspicious waters.
गोदावरी भीमरथी कृष्णवेणा तथापगा तुङ्गभद्रा सुप्रयोगा तथान्या पापनाशिनी
Godāvarī, Bhīmarathī, Kṛṣṇaveṇā, Tuṅgabhadrā, Suprayogā, and other rivers, including Pāpanāśinī.
सह्यपादविनिष्क्रान्ता इत्य् एताः सरितां वराः कृतमाला ताम्रपर्णी पुष्यजा प्रत्यलावती
Those rivers emerging from the base of the Sahya mountains, such as Kṛtamālā, Tāmraparṇī, Puṣyajā, and Pratyalāvatī, are the best among rivers.
मलयाद्रिसमुद्भूताः पुण्याः शीतजलास् त्व् इमाः पितृसोमर्षिकुल्या च वञ्जुला त्रिदिवा च या
These holy rivers with cool waters arise from the Malayā mountains: Pitṛsomarṣikulyā, Vañjulā, and Tridivā.
लाङ्गुलिनी वंशकरा महेन्द्रप्रभवाः स्मृताः सुविकाला कुमारी च मनूगा मन्दगामिनी
Lāṅgulinī, Vaṃśakarā, those originating from Mahendra, Suvikālā, Kumārī, Manūgā, and Mandagāminī are remembered.
क्षयापलासिनी चैव शुक्तिमत्प्रभवाः स्मृताः सर्वाः पुण्याः सरस्वत्यः सर्वा गङ्गाः समुद्रगाः
Kṣayāpalāsinī and those arising from Śuktimat, all are holy Sarasvatīs, all are Gaṅgās flowing to the ocean.
विश्वस्य मातरः सर्वाः सर्वाः पापहराः स्मृताः अन्याः सहस्रशः प्रोक्ताः क्षुद्रनद्यो द्विजोत्तमाः
All are mothers of the world, all are remembered as destroyers of sin; countless other small rivers are mentioned, O best of twice-born.
प्रावृट्कालवहाः सन्ति सदाकालवहाश् च याः मत्स्या मुकुटकुल्याश् च कुन्तलाः काशिकोशलाः
There are rivers flowing in the rainy season and those flowing throughout the year; Matsyā, Mukuṭakulyā, Kuntalā, Kāśikośalā.
अन्ध्रकाश् च कलिङ्गाश् च शमकाश् च वृकैः सह मध्यदेशा जनपदाः प्रायशो ऽमी प्रकीर्तिताः
Andhras, Kaliṅgas, Śamakas together with Vṛkas, and the peoples of the central region are mostly enumerated here.
सह्यस्य चोत्तरे यस् तु यत्र गोदावरी नदी पृथिव्याम् अपि कृत्स्नायां स प्रदेशो मनोरमः
On the northern side of Sahya, where the Godāvarī river flows, that region upon the entire earth is delightful.
गोवर्धनपुरं रम्यं भार्गवस्य महात्मनः वाहीकराटधानाश् च सुतीराः कालतोयदाः
Govardhana city, charming and belonging to the great-souled Bhārgava; Vāhīkarāṭadhānas, Sutīrās, and Kālatoyadās.
अपरान्ताश् च शूद्राश् च वाह्लिकाश् च सकेरलाः गान्धारा यवनाश् चैव सिन्धुसौवीरमद्रकाः
Aparāntas, Śūdras, Vāhlikas with Keralas, Gāndhāras, Yavanas, Sindhus, Sauvīras, and Madrakas.
शतद्रुहाः कलिङ्गाश् च पारदा हारभूषिकाः माठराश् चैव कनकाः कैकेया दम्भमालिकाः
Śatadruhas, Kaliṅgas, Pāradas, Hārabhūṣikas, Māṭharas, Kanakas, Kaikeyas, and Dambhamālikas.
क्षत्रियोपमदेशाश् च वैश्यशूद्रकुलानि च काम्बोजाश् चैव विप्रेन्द्रा बर्बराश् च सलौकिकाः
The regions resembling those of Kshatriyas, as well as the families of Vaishyas and Shudras, the Kambojas, O best of Brahmins, and also the Barbaras together with the common folk.
वीराश् चैव तुषाराश् च पह्लवाधायता नराः आत्रेयाश् च भरद्वाजाः पुष्कलाश् च दशेरकाः
The Viras, the Tusharas, men descended from the Pahlavas, the Atreyas, the Bharadvajas, the Pushkalas, and the Dasherakas.
लम्पकाः शुनशोकाश् च कुलिका जाङ्गलैः सह औषध्यश् चलचन्द्रा च किरातानां च जातयः
The Lampakas, the Shunashokas, the Kulikas along with the Jangalas, the Ushadhyas, the Calacandras, and the tribes of the Kiratas.
तोमरा हंसमार्गाश् च काश्मीराः करुणास् तथा शूलिकाः कुहकाश् चैव मागधाश् च तथैव च
The Tomaras, the Hamsamargas, the Kashmiris, the Karunas, the Shulikas, the Kuhakas, and likewise the Magadhas.