सेनायां स च संभूतः क्रौञ्चारिः षण्मुखो गुहः
छागप्रियश्शक्तिधरो द्वारो द्वादशमः स्मृतः
ब्राह्मणान्भोजयित्वादौ पश्चाद्भुञ्जीत वाग्यतः
कार्त्तिकेयं समभ्यर्च्य वासोभिर्भूषणैः सह 4.42.
संवत्सरविधिं कृत्वा जपं होमपुरस्कृतम्
एते विप्राः स्मृता दिव्या भौमास्त्वन्ये द्विजातयः
एवं यः कुरुते भक्त्या नरो योषिदथापि वा
सदैव पूजनीयस्तु कार्तिकेयो महीपते
संग्रामं गच्छमानो यः पूजयेत्कृत्तिकासुतम्
तस्मात्सर्वप्रयत्नेन पूजयेच्छंकरात्मजम्
यस्तु षष्ठ्यां नरो नक्तं कुर्याद्भारतसत्तम
श्रुत्वैवं दक्षिणां मासं गत्वा श्रद्धासमन्वितः। पूजयेद् देवदेवेशं स गत्वा शिवमंदिरम्
स्कन्दं गुहं शरवणोद्भवमादिदेवं शम्भोः सुतं सदयितं गिरिराजपुत्र्याः
विजयसप्तमीव्रतवर्णनम् किंफला नियमः कश्चिद्वद देवकिनन्दन
सप्तमी विजया नाम तत्र दत्तं महा फलम्
स्नानं दानं जपो होम उपवासस्तथैव च
प्रदक्षिणां यः कुरुते फलैः पुष्पै र्दिवाकरम्
प्रथमा नालिकेरैस्तु द्वितीया रक्तनागरैः
पञ्चमी वरकूष्माण्डैः षष्ठी पक्वैस्तु तेंदुकैः
मौक्तिकैः पद्मरागैश्च नीलैः कर्केतनैस्तथा
अक्षोटैर्बदरैर्बिल्वैः करमर्दैः सबर्बरैः
पुष्पैर्धूपैः फलैः पत्रैर्मोदकैर्गुणकैः शुभैः
अन्यैः फलैश्च काम्यैश्च ऐक्षवैर्ग्रंथिवर्जितैः 4.43.
न विशेन्न च संजल्पेन्न च कश्चिद्वदेदपि
वसोर्धाराप्रदातव्या भानोर्गव्येन सर्पिषा
कुंकुमेन समालभ्य पुष्पधूपैश्च पूजयेत्
भानो भ्रास्करमार्तण्ड चण्डरश्मे दिवाकर
उपवासेन नक्तेन तथैवायाचितेन च
रोगी विमुच्यते रोगाद्दरिद्रः श्रियमाप्नुयात्
शुक्लपक्षे यदा पार्थ सादित्यसप्तमी भवेत्