माघस्यामलपक्षे तु पञ्चम्यां लघुभुङ्नरः विप्रान्संपूज्य विधिवन्मंदारं प्राशयेन्निशि
ततः प्रभाते चोत्थाय कृतस्नानः पुनर्द्विजान्
सौवर्णं पुरुषं तद्वत्पद्महस्तं सुशोभनम्
पूज्य मंदारकुसुमैर्भास्करायेति पूर्वतः
दक्षिणे तद्वदर्काय तथार्यम्णे च नैर्ऋते
पूष्णे ह्युत्तरतः पूज्य आनंदायेत्यतः परम्
शुक्लवस्त्रैः समावेष्ट्य भक्ष्यैर्माल्यफलादिभिः भुंजीतातैललवणं वाग्यतः प्राङ्मुखो गृही
अनेन विधिना सर्वं सप्तम्यां मासिमासि च
एतदेव व्रतांते तु निधाय कलशोपरि 4.40.
नमो मंदारनाथाय मंदारभवनाय च
अनेन विधिना यस्तु कुर्यान्मंदारकं व्रतम्
इमामघौघपटलध्वांतसद्वर्तिदीपिकाम्
मंदारषष्ठीं विख्यातामीप्सितार्थफलप्रदाम्
षष्ठीमुपोष्य तिलपङ्कजकर्णिकायां संपूज्य भास्करमहो सुरवृक्षपुष्पैः
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे मंदारषष्ठीव्रतनिरूपणनाम चत्वारिंशोऽध्यायः
ललिताषष्ठीव्रतवर्णनम् योषित्सुवेषा सुभगा सर्वलोकमनोहरा
प्रातः स्नानं महानद्यां कृत्वा संगृह्य वालुकाम्
सोपवासा प्रयत्नेन देवीं तत्र प्रपूजयेत्
तत्र संस्थाप्य तां देवीं पुष्पैः संपूजयेन्नवैः
मंत्रेणानेन कुसुमैश्चंपकस्य सुशोभनैः नीलोत्पलं केतकीं च संगृह्य तगरं तथा
एकैकस्य त्वष्टशतमष्टाविंशतिरेव वा
गंगाद्वारे कुशावर्ते बिल्वके नीलपर्वते
ललिते ललिते देवि सौख्यसौभाग्यदायिनि एवमभ्यर्च्य विधिना नैवेद्यं पुरतो न्यसेत्
कूष्मांडैः कर्कटीवृंतैः कर्कोटैः कारवेल्लकैः
सार्द्धं सगुडकैर्धूपैः सोहालककरंबकैः 4.41.
एवमभ्यर्च्य विधिवद्रात्रौ जागरणं ततः सखीभिः सहिता साध्वी तां रात्रीं प्रशमन्नयेत्
न च सम्मीलयेन्नेत्रे नारी यामचतुष्टयम्
एवं जागरणं कृत्वा सप्तम्यां सरितं नयेत्
तच्च दद्याद्द्विजेंद्राय नैवद्यादि नरोत्तम देवान्पितॄन्मनुष्यांश्च पूजयित्वा सुवासिनीम्
कुमारिका भोजनीया ब्राह्मणा दशपंच च ललिता प्रीतियुक्ताऽस्तु इत्युक्त्वा तान्विसर्जयेत्