मोहितः कामबाणेन मूर्च्छितः पतितो भुवि
शिबिकां चैव संस्थाप्य सभायां च समैरयत्
कस्येयं सुन्दरी भार्या कुतो जाता महोत्तमा
ममेयं सुन्दरी नारी रत्नदत्तस्य सा सुता
मम दासस्य या पत्नी त्वद्योग्या भूपते सदा
इत्युक्तः क्रोधताम्राक्षो भूपतिस्तमुवाच ह
गृह्णामि यदि तां देवीं नरके यमकिंकराः
इत्युक्त्वा भूपतिस्तूर्णं विरहाग्निप्रपीडितः
इत्युक्त्वा स तु वैतालो नृपं प्राह शृणुष्व भोः
सेनापतिस्तु तत्रैव भस्मसादभवत्क्षणात्
स्वर्गं गतास्तु ते सर्वे कस्य पुण्याधिकं मतम्
मरणं किंकरस्यैव योग्यं भूपतिहेतवे
दत्ता यत्किंकरेणैव सुंदरी नृपहेतवे
जित्वा कामं तथा पाल्यं धर्मं तस्मान्नृपेऽधिकम्
शृणु भूप महाभाग कथां तव मनोरमाम्
उज्जयिन्यां महाभाग महासेनो नृपोऽभवेत्
गुणाकरस्तस्य सुतो मद्यमांसपरायणः
बांधवैः स परित्यक्तो बभ्राम वसुधातले
कपर्दी नाम तं योगी कपालान्नैरपूजयत्
तदातिथ्यं तदर्थं स यक्षिणीं समुपाह्वयत्
प्रातः काले तु संप्राप्ते कैलासं यक्षिणी गता
कपर्दी प्रददौ तस्मै विद्यां यक्षिणिकर्षिणीम्
स जजाप शुभं मन्त्रं न प्राप्ता कामचारिणी
प्राप्तवान्पितरौ नत्वा स्वगेहे निवसन्निशि ।। 3.2.17.
प्रतिबोधिवनं प्राप्तस्तच्छिष्यत्वमुपाययौ
न प्राप्ता योगिनी देवी तदा चिन्तातुरो ऽभवत्
पुनराह कथं देवी न प्राप्ता यक्षिणी प्रिया
त्रिविधं कर्म भो विप्र सिद्ध्यर्थे साधकाय वै
सुन्दरांगकृतं ज्ञेयं पुनर्वाक्कायसंभवम्
परत्र च भुवर्लोके पिण्डदेहकृतं स्मृतम्