कृष्णागरुमयं चैव श्रीखण्डघटितं पुनः
अन्यैरालोहितैः पार्थ पुष्पैर्वस्त्रैः फलैः शुभैः
यावद्धि शक्यते चित्तं वित्तवान्भक्तिभावितः
किञ्चित्ताम्रमये पात्रे वंशजे मृन्मयेपि वा
( ॐ अंगारकाय नमः शिरसि ॐ भौमाय नमः स्कंधयोः ॐ रक्ताय नमः उरसि ॐ आराय नमः जंघयोः एषाष्टपुष्पिका गुग्गुलं घृतसंयुक्तं कृष्णागरुसमन्वितम्
होमं कुर्वीत पूर्वोक्तैर्मंत्रैर्मंगलसं ज्ञितैः
निष्पावकं भोजनं वा दद्याच्छक्त्या सदक्षिणम्
पश्चाद्भुञ्जीत मौनेन भूमिं कृत्वा तु भाजनम्
सर्वौषधिरसावासे सर्वदा सर्व दायिनि
युधिष्ठिर उवाच उपोष्या कतिमात्रा सा किमेका वद यादव ।। 4.31.
चतुर्थी च चतुर्थी च यदांगारकसंयुता वित्तहीनाः प्रतीक्षंते यावद्वित्तोपलंभनम्
चतुर्थ्यां च चतुर्थ्यां च विधानं शृणु पाण्डव दश सौवर्णिकं मुख्यं दशार्द्धार्द्धमथापि वा
विंशत्पलानि पात्राणि विंशत्यर्द्धपलानि च
प्रतिष्ठाप्य कुजं मंत्रैर्वस्त्रैः संपरिवेष्टितम्
तत्र संपूजयेद्देवं पूर्वमंत्रैर्विधानतः
वस्त्रैः प्रावरणैर्यानैः शय्योपानद्वरासनैः
ततो विप्र परीक्षेत व्रतशौचसमन्वितम्
अंगारकविधिं यश्च सम्यग्जानाति शास्त्रतः
संपूज्य वस्त्राभरणैस्तस्मै देयः कुजोत्तमः
वित्तसारेण तुष्य त्वं मम भौम भवोद्भव ब्राह्मणश्चाप्यसौ विद्वान्मंत्रमेतमुदाहरेत् ।। 4.31.
मंगलं प्रति गृह्णामि उभयोरस्तु मंगलम्
प्रतिग्राहकमंत्रः तदा मंत्रार्चनपरः पुनरेतां समाचरेत्
आशरीरनिपाताद्वा यथोक्तफलभाग्भवेत्
अंगारकेण संयुक्तां वास्रां(वस्त्रां) तिलशराविकाम्
एवं चतुर्थीं यो भक्त्या कुजयुक्ता मुपोषयेत्
इह स्थित्वा चिरं कालं पुत्रपौत्रश्रिया वृतः
दिव्यनारीगणवृतो विमानवरमास्थितः
स तत्र रमते कालं देवैः सह सुरेशवत्
इह चागत्य राजासौ कुले महति जायते
नारी च रूपसंपन्ना सुभगा जातिसंयुता 4.31.