प्रणम्य शिरसा भूमौ क्षमस्वेति गुरुं वदेत् यः प्रकुर्यात्पुमान्स्त्री वा तस्य पुण्यफलं शृणु
गन्धर्वयक्षलोकांश्च विद्याधरमहोरगान्
भुक्त्वा भोगानशेषांश्च एकविंशत्कुलान्वितः
तत्र भुक्त्वा महाभोगान्स भुंक्ते शिववद्बहून्
भुक्त्वा भोगान्यदा भूतः कदाचित्तपसः क्षयात 4.29.
स्त्री वा समाचरेद्या तु महादेवी तु जायते त्रैलोक्यपतिरुद्रेणसा भुंक्ते सहिता तथा
मनुर्द्देव्या यथामह्या शच्या शक्रो यथासुखम्
सावित्री ब्रह्मणो यद्वद्गंगा तोयनिधेर्यथा
अथ जन्मन्यहोन्यस्मिन्व्रतमेतत्कृतं भवेत् योजनायुतसाहस्रे सुरूपा मण्डले भवेत्
एत्तते निखिलं प्रोक्तमानंतर्यव्रतं मया
एषा विशेषविहिताभिहिता तृतीया यानंतरीत्य विधवाभिरुदीरितोच्चैः
अक्षयतृतीयाव्रतवर्णनम् वैशाखस्य सितामेकां तृतीयां शृणु पाण्डव
स्नानं दानं जपो होमः स्वाध्यायः पितृतर्पणम्
आदौ कृतयुगस्येयं युगादिस्तेन कथ्यते
शाकले नगरे कश्चिद्धर्मनामाभवद्वणिक्
तेन श्रुतं वाच्यमानं तृतीया रोहिणी पुरा
तस्यां यद्दीयते किंञ्चित्तत्सर्वं चाक्षयं भवेत्
गृहमागत्य करकान्सान्नानुदकसंयुतान्
यवगोधूमचणकसक्तुदध्यौदनं तथा
शुचिः शुद्धेन मनसा ब्राह्मणेभ्यो ददौ वणिक्
तावत्स च स्थितः सत्त्वे मत्वा सर्वं विनश्वरम् 4.30.
जगाम पञ्चत्वमसौ वासुदेवं स्मरन्मुहुः
बभूव चा क्षया तस्य समृद्धिर्धर्मनिर्जिता
ददौ गोभूहिरण्यादि दानान्यस्यामहर्निशम्
तथाप्यक्षयमेवास्य क्षयं याति न तद्धनम्
एतद्व्रतं मयाख्यातं श्रूयतामत्र यो विधिः
ग्रैष्मिकं सर्वमेवात्र सस्यदानं प्रशस्यते
यद्यदिष्टतमं चान्यत्तद्देयमविशंकया
अनाख्येयं न मे किञ्चिदस्ति स्वस्त्यस्तु तेऽनघ
अस्यां तिथौ क्षयमुपैति हुतं न दत्तं तेनाक्षया च मुनिभिः कथिता तृतीया