तथा कृष्णतृतीयायां सोपवासा विमत्सरा
सुराज्यं यावकं दत्त्वा तिलान्भुंजन्स्वपेन्निशि
ज्येष्ठे सिततृतीयायां ह्युपवासकृतां वरा संप्राश्यामलकं रात्रौ गौरीं ध्यात्वा सुखं स्वपेत्
ततः प्रातः समुत्थाय दंपती रूपशालिनौ
पुनः कृष्णतृतीयायां सोपवासा सुवासिनी 4.29.
प्राशयेत्पंचगव्यञ्च स्वप्याद्देव्यग्रतस्ततः
आषाढमासे संप्राप्ते पूजयेच्च यशोधनम् प्रभाते मिथुनं भोज्यं कन्यादानफलं लभेत्
तथा कृष्णतृतीयायां कूष्मांडीं शक्तितो यजेत्
कुशोदकं च संप्राश्य स्वप्याद्रात्रौ जितेन्द्रिया
श्रावणे सोपवासा च चंडां घण्टां प्रपूजयेत्
प्रभाते शक्तितो दद्याद्भोजनं मिथुनस्य तु
तद्वत्कृष्णतृतीयायां रुद्राणीं नामभिर्यजेत्
पिण्याकं प्राश यित्वा तु स्वप्याद्रात्रौ विमत्सरा
भाद्रे शुक्लतृतीयायां पूजयेत हिमाद्रिजाम्
गन्धोदकं ततः प्राश्य सखीभिः सहिता स्वपेत् 4.29.
तद्वत्कृष्णतृतीयायां दुर्गां दैवीं समर्चयेत्
प्राशयित्वा तु गोमूत्रं स्वप्याच्छांतेन चेतसा
मासि चाश्वयुजे भक्त्या देवीं नारायणीं यजेत्
प्राशयेच्चंदनं रक्तं स्वप्याच्च गतमत्सरा
तथा कृष्णतृतीयायां स्वस्ति नाम प्रपूज येत्
कुसुंभबीजान्संप्राश्य त्यक्त्वा कामं स्वपेन्निशि
कार्तिकस्य तृतीयायां स्वाहानाम्नीं प्रपूजयेत्
स्वप्याद्रात्रौ जितक्रोधा प्राश्य कुंकुमकेशरान्
तथा कृष्णतृतीयायां स्वधानाम्नीं प्रपूजयेत्
प्रातः संभोज्य मिथुनं नक्तव्रतफलं लभेत् 4.29.
शुक्लपक्षे तृतीयायां सोपवासा निरामया
मंडलं च ततो लिख्य नवनाभं वरप्रदम्
ताभ्यां नेत्रेषु दातव्यं मौक्तिकं नीलमेव च
उपवीतं तु देवस्य देव्या हारं तथो रसि
चतुःसमेन वालभ्य पुष्पैर्धूपैरथार्च्चयेत्