यस्तु द्वादश वर्षाणि सौभाग्यशयनं व्रतम् पूज्यमानो भवेत्सम्य ग्यावत्कल्पायुतत्रयम् ।। 4.25.
नारी वा कुरुते या तु कुमारी वा नरेश्वर
शृणुयादपि यश्चैतत्प्रदद्यादथ वा मतिम्
इदमिह मदनेन पूर्वमिष्टं चरितमिदं शशबिंदुना व्रतं वै
यानीह दत्तानि पुरा नरेंद्रैर्दानानि धर्मार्थयशस्कराणि
रसकल्याणिनीव्रतवर्णनम् युधिष्ठिर उवाच भुक्तिमुक्तिप्रदं किञ्चिद्व्रतं ब्रूहि जनार्दन
श्रीकृष्ण उवाच यदुमायै पुरा देव उवाचासुरसूदनः
तदिदानीं प्रवक्ष्यामि भुक्तिमुक्ति फलप्रदम्
शृणुष्वावहितो भूत्वा सर्वपापप्रणाशनम्
शुक्लपक्षतृतीयायां स्नातः सद्गौरसर्षपैः दधिचंदनसंमिश्रं ललाटे तिलकं न्यसेत्
सौभाग्यारोग्यकृद्यत्स्यात्सदा च ललिताप्रियम्
धारयेदथ वा रक्तपीतानि कुसुमानि च
देव्यर्चां पंचगव्येन ततः क्षीरेण केवलम्
पूजयेच्छुक्लपुष्पैश्च फलैर्नानाविधैरपि
शुक्लाक्षतैस्तिलैरर्च्यां ललितां यः सदार्चयेत् 4.26.
ऊरू मांगल्यकारिण्यै कामदेव्यै तथा कटिम्
करौ सौभाग्यवासिन्यै बाहू शशिमुखश्रियै
गौर्य्यै नमस्तथा नासां सुनेत्रायै च लोचने
नमो गौर्यै नमः सृष्ट्यै नमः कांत्यै नमः श्रियै
एवं संपूज्य विधिवदग्रतः पद्म मालिखेत्
पूर्वेण विन्यसेद्गौरीमपर्णां च ततः परम्
विन्यसेत्पश्चिमे सौम्यां ततो मदनवासिनीम्
लक्ष्मीं स्वाहां स्वधां तुष्टिं मंगलां कुमुदां सतीम् कुसुमैरक्षतैः शुभ्रैर्नमस्कारेण विन्यसेत्
गीतमंगलघोषं च कारयित्वा सुवासिनीः 4.26.
सिंदूरं स्नानचूर्णं च तासां शिरसि पातयेत्
नभस्ये पूजयेद्गौरीमुत्पलैरसितैस्तथा
कुन्दपुष्पैर्मार्गशिरे पौषे वै कुंकुमेन च
जात्या तु फाल्गुने पूज्या पार्वती पांडुनंदन
ज्येष्ठे कमलमंदारैराषाढे चंपकांबुजैः
गोमूत्रं गोमयं क्षीरं दधि सर्पिः कुशो दकम् पंचगव्यं तथा बिल्वं प्राशयेत्क्रमशः सदा