एवं संकल्प्य विधिवत्कौंतेय कृतनिश्चयः
नद्यां तडागे वाप्यां वा गृहे वा नियतात्मवान्
प्रभाते भोजयेद्विद्वाञ्छिवभक्तान्विशेषतः गौरीश्वरं यथाशक्ति भोजयेत्प्रयता सती
अनेन विधिना राजन्यः कुर्यान्मासि पौषके
हिरण्यं जीरकं चैव स्वशक्त्या दापयेत्ततः 4.24.
वाजपेयातिरात्राभ्यां फलं प्राप्नोत्यसंशयः
माघे मासि तृतीयायां सुदेवीं नाम पूजयेत्
प्रातः कुसुंभं कनकं दद्या च्छक्त्या द्विजातिषु
गौरीति फाल्गुने नाम गोक्षीरं प्राशयेन्निशि
कडुहुंडं सकनकं तेभ्यो दत्त्वा विसर्जयेत्
चैत्रे मासि विशालाक्षीं पूजयेद्भक्तितत्परा सौभाग्यं महदाप्नोति विशालाक्ष्याः प्रसादतः
वैशाखस्य तृतीयायां श्रीमुखीं नाम पूजयेत्
शिवभक्तान्द्विजान्प्रातर्भोजयित्वा यथेप्सितम् अनेन विधिना दत्त्वा पुत्रानाप्नोति शोभनान्
आषाढे माधवीं नत्वा प्राश्नीयाच्च तिलोदकम् सकांचनः शुभांल्लोकान्प्राप्नोति हि न संशयः
श्रावणे तु श्रियं पूज्य पिबेद्गोशृंगजं जलम् सर्वलोकेश्वरो भूत्वा सर्वकामानवाप्नुयात् ।। 4.24.
भाद्रे चैव तृतीयायां हरतालीति पूज येत् इह लोके सुखं भुक्त्वा चांते शिवपुरं ब्रजेत्
आश्विने तु तृतीयायां गिरिपुत्रीति पूजयेत्
दक्षिणा चापि निर्दिष्टा कनकं च सचन्दनम्
पद्मोद्भवा कार्तिके च पञ्चगव्यं पिबेत्ततः
सपत्नीकाञ्छुभाचारान्माल्यवस्त्र विभूषणैः
उमामहेश्वरं हैमं समाप्ते कारयेन्नृप
अशनं च शुभं दद्याच्छ्वेतच्छत्रं कमंडलुम्
पीतयज्ञोपवीतैश्च दीपनेत्रैः समुज्ज्वलैः
उमामहेश्वरं स्थाप्य पूजयित्वा यथाविधि
घृतपक्वैश्च नैवेद्यैर्दीपमालाभिरेव च 4.24.
जीरकैर्लवणैश्चैव कुसुम्भैः कुंकुमैस्तथा पूजयेद्देवदेवेशं क्षमयेत्तदनंतरम्
शंखवादित्रनिर्घोषैर्वेदध्वनिसमन्वितैः
पूर्वोक्तफलभागी स्यात्सर्वदेवैश्च पूज्यते
तदंते शिवसायुज्यं प्राप्नोतीह न संशयः
योऽहं सा च स्मृता गौरी या गौरी स महेश्वरः