पुत्रान्भोगांस्तथा रूपं सौभाग्यारोग्यमेव च
शृणुयाद्वाच्यमानं तु भक्त्या या ललिताव्रतम्
संपूज्य लक्षललितां ललितांगयष्टिं गंधोदकामृतघटीं शिरसि क्षिपेद्यः
अवियोगतृतीयाव्रतवर्णनम् वद नारी नरश्रेष्ठ व्रजेद्येन शिवालयम्
विधवा च परे लोके भूयोऽपि न वियुज्यते
लब्ध्वा हि भवतो जन्म दक्षकोपाद्वियुक्तया
महासौभाग्यसंदोहं दृष्ट्वा देव्या महात्मना
आचम्य च शुचिर्भूत्वा दंडवच्छंकरं नमेत्
औदुम्बरमृजुं गृह्य भक्षयेद्दंतधावनम्
द्वितीयायां परे वाह्नि गौरीं शंभुं च पूजयेत् पात्रे संस्थाप्य संपूज्य जागरं निशि कल्पयेत्
विधिवत्पूजयित्वा तु शंकरं कीर्तयत्स्वपेत्
भोजयेन्मृष्टमन्नाद्यं शिवभक्त्या द्विजोत्तमान् 4.22.
प्रतिमासं प्रकुर्वीत विधिना तेन संयता
नामानि च प्रवक्ष्यामि प्रतिमासं क्रमाच्छणु
एवं पौषे तु संप्राप्ते गिरिशं पार्वतीं तथा
एतत्पारणमुद्दिष्टं मार्गादौ मार्गगोचरम्
भवं चैव भवानीं च मासि माघे प्रपूजयेत्
ललितां शंकरं देवं चैत्रे संपूजयेत्ततः
ज्येष्ठे वीरेश्वरं देवमेकवीरासमन्वितम्
श्रीकंठं श्रावणे देवं सुतान्वितमथार्चयेत् ईशानं कार्त्तिके मासि शिवादेवीयुतं यजेत्
जप्यध्यानार्चनायैव नामान्येतानि सुव्रत
प्रतिमासं तु पुष्पाणि यानि पूजासु योजयेत् 4.22.
आदौ नीलोत्पलं योज्यं तदभावेऽपराण्यपि
करवीरं बिल्वपत्रं किंशुकं कुब्जमल्लिका
एतान्युक्तक्रमेणैव मासेषु द्वादशस्वपि
वत्सरांते वितानं च धूपोत्क्षेपं सघंटिकम्
स्नापयित्वा च लिप्त्वा च सौवर्णं मूर्ध्नि पङ्कजम्
नैवेद्यं शक्तितो दत्वा नत्त्वा च विधिवच्छिवम्
तत्र गत्वा त्रिकोणश्च चतुरस्रं च कारयेत्
व्रतिनो भोजयेत्पश्चाद्वादशैव द्विजोत्तमान्