पञ्चगव्यं तथा शाकः प्राशनानि क्रमादमी
ददाति श्रद्धयैतानि वाचके ब्राह्मणोत्तमे
दत्तैरेभिः सूर्यस्था त्वं सूर्यस्था तुष्यसि प्रिये
ओङ्कारपूर्वको देवि नमस्कारांत ईरितः
तुष्टा त्वभीप्सितान्कामान्ददासि प्रीतिपूर्वकम्
सहितं भार्ययाभ्यर्च्य गंधपुष्पादिभिः शुभैः
अन्नं सदक्षिणं दद्यात्तथा शुक्ले च वाससी
ब्राह्मणे श्रद्धया युक्तस्तस्यां फलमिदं शृणु
मोदते भर्तृसहिता यथेंद्रेण शची तथा 4.21.
पुण्ये कुले श्रिया युक्ता नीरोगा सुखमश्नुते
पुत्रान्भोगांस्तथा रूपं सौभाग्यारोग्यमेव च
शृणुयाद्वाच्यमानं तु भक्त्या या ललिताव्रतम्
संपूज्य लक्षललितां ललितांगयष्टिं गंधोदकामृतघटीं शिरसि क्षिपेद्यः
अवियोगतृतीयाव्रतवर्णनम् वद नारी नरश्रेष्ठ व्रजेद्येन शिवालयम्
विधवा च परे लोके भूयोऽपि न वियुज्यते
लब्ध्वा हि भवतो जन्म दक्षकोपाद्वियुक्तया
महासौभाग्यसंदोहं दृष्ट्वा देव्या महात्मना
आचम्य च शुचिर्भूत्वा दंडवच्छंकरं नमेत्
औदुम्बरमृजुं गृह्य भक्षयेद्दंतधावनम्
द्वितीयायां परे वाह्नि गौरीं शंभुं च पूजयेत् पात्रे संस्थाप्य संपूज्य जागरं निशि कल्पयेत्
विधिवत्पूजयित्वा तु शंकरं कीर्तयत्स्वपेत्
भोजयेन्मृष्टमन्नाद्यं शिवभक्त्या द्विजोत्तमान् 4.22.
प्रतिमासं प्रकुर्वीत विधिना तेन संयता
नामानि च प्रवक्ष्यामि प्रतिमासं क्रमाच्छणु
एवं पौषे तु संप्राप्ते गिरिशं पार्वतीं तथा
एतत्पारणमुद्दिष्टं मार्गादौ मार्गगोचरम्
भवं चैव भवानीं च मासि माघे प्रपूजयेत्
ललितां शंकरं देवं चैत्रे संपूजयेत्ततः
ज्येष्ठे वीरेश्वरं देवमेकवीरासमन्वितम्
श्रीकंठं श्रावणे देवं सुतान्वितमथार्चयेत् ईशानं कार्त्तिके मासि शिवादेवीयुतं यजेत्