पत्नीविमुक्तश्च नरो न कदाचित्प्रजायते
अशून्यशयनं नाम तदा ग्राह्या च सा तिथिः
कृष्णपक्षे द्वितीयायां श्रावणे नृपसत्तम
कृत्वा पितॄन्मनुष्यांश्च देवान्सं तर्प्य भक्तिमान्
तत्रस्थं श्रीधरं श्रीशं भक्त्याभ्यर्च्य श्रिया सह
इममुच्चारयेन्मंत्रं प्रणम्य जगतः पतिम् 4.15.
गार्हस्थ्यं मा प्रणाशं मे यातु धर्मार्थकामदम् पितरो मा प्रणश्यंतु मत्तो दांपत्यभेदतः
लक्ष्म्या वियुज्यते कृष्ण न कदाचिद्यथा भवान्
लक्ष्म्या न शून्यं वरद यथा ते शयनं सदा
एवं प्रसाद्य पूजां च कृत्वा लक्ष्म्या हरेस्तथा विप्राय दक्षिणां दद्यात्स्व शक्त्या फलसंयुताम्
अनेनविधिना राजन्यावन्मासचतुष्टयम्
कार्त्तिके चाथ संप्राप्ते शय्यां श्रीकांतसंयुताम्
प्रतिमासं च सोमाय अर्घ्यं दद्यात्समंत्रकम्
गगनांगणसद्दीप दुराब्धिमथनोद्भव
एवं करोति यः सम्यङ्नरो मासचतुष्टयम्
अशून्यशयनश्चैव धर्मकामार्थसाधकः 4.15.
नारी च पार्थ धर्मज्ञा व्रतमेतद्यथाविधि
वैधव्यं दुर्भगत्वं च भर्तृत्यागं च सत्तम
एषा ह्यशून्यशयना नृपते द्वितीया ख्याता समस्तकलुषापहराऽद्वितीया
मधूकतृतीयाव्रतवर्णनम् प्रातः स्थित्वा ब्रह्मचर्ये जटामुकुटशोभिता
गोधारथगतां देवीं रुद्रध्यानपरायणाम् केसरैर्मधुरैर्द्रव्यैः स्वर्णमाणिक्यपूजया
ॐ भूषिका देवभूषा च भूषिका ललिता उमा
दौर्भाग्यं मे शमयतु सुप्रसन्नमनाः सदा
अङ्गेङ्गे च ममोपाङ्गे पर्वेपवे स्थितामृतम्
एवमुच्चार्य मंत्रांश्च नारीज्ञानवती सती
जीरकैः कटुहुण्डैश्च लवणैर्गुडसर्पिषा
कुसुमैः. कुंकुमैर्गन्धैः कालेयागुरुचन्दनैः
नेत्रैरनेकदेशोत्थैः पूपकैस्तिलतण्डुलैः
इत्येवमादिनैवेद्यैः पूजयित्वा महाद्रुमम् 4.16.
एतत्करोति या पुत्री तृतीयाव्रतमुत्तमम्