पुष्पैः फलैः स्वकालोत्थैः खर्जूरैर्न्नालिकेरकैः
सत्त्वयुक्तस्य ऋद्धस्य राजन्नेष विधिः स्मृतः
लवणं गुडं घृतं तैलं पयःकुंभास्तिलैः सह
प्रत्यहं वर्द्धयेदर्घ्यं शशि वृद्ध्या नरोत्तम
नवोनवोसि मासांते जायमानः पुनःपुनः
गगनाङ्गणसद्दीप दुग्धाब्धिमथनोद्भव
दत्त्वार्घ्यं द्विजराजाय तद्विप्राय निवेदयेत्
भूमिं तु भाजनं कृत्वा पद्मपत्रसमास्तृताम्
समालभ्य धरां देवीं मंत्रेणानेन मंत्रवित् 4.13.
मदनुग्रहाय सुस्वादं कुर्वन्नममृतोपमम्
आचम्य खान्युपालभ्य स्मृत्वा सोमं स्वपेद्भुवि
मुन्यन्नं तु तृतीयायां चतुर्थ्यां गोरसोत्तरम् ।। घृताक्ताः सगुणाः शस्ताः पञ्चम्यां कृशरास्सदा
शस्ता भद्रेषु सर्वेषु सदा श्यामाकतण्डुलाः
प्रातः स्नानं ततः कृत्वा संतर्ज्य पितृदेवताः
भृत्यबन्धुजनैः सार्द्धं पश्चाद्भुञ्जीत कामतः
करोत्येतन्नरो भक्त्या वर्षमेकममत्सरी
एतत्करोति या कन्या शुभं प्राप्नोति सा पतिम्
राज्यार्थी लभते राज्यं धनार्थी लभते धनम्
योषित्कुलाकुलविवाहमनोरमाणि शय्यान्नयानशयनासनशोभितानि 4.13.
द्वितीयाव्रतमाहात्म्यवर्णनम् मासैश्चतुर्भिश्चत्वारः प्रावृट्छुक्लाः क्लमापहाः
गोपिताश्च सदा लोके न प्रोक्ताश्च मया क्वचित्
एका तु श्रावणे मासि अन्या भाद्रपदे तथा
श्रावणे कलुषा नाम प्रोष्ठपादे च गीर्मला
कस्मात्सा कलुषा प्रोक्ता कस्मात्सा गीर्मला मता । कस्मात्सा प्रेतसंचारा कस्माद्याम्या प्रकीर्तिता
ब्रह्महत्यापनोदार्थमश्वमेधे प्रवर्तिते
क्रोधादिन्द्रेण वजेण ब्रह्महत्या निषूदिता
नार्यां ब्रह्महने वह्नौ संविभज्य यथाक्रमम्
नारीवृक्षनदीभूमिवह्निब्रह्महनेष्वथ
मधुकैटभयो रक्ते पुरा मग्नेति मेदिनी 4.14.
नद्यः पूरमलाः सर्वा वह्नेर्धूमशिखा मलः