आपीड्यंते जिह्वामूले निबध्य शृंखलाः पुनः
स्निग्धे च वृषणे नद्धे लोहभारद्वयं पुनः
ततः स्वमांसमुत्कृत्य तिलमात्रप्रमाणतः
यदा निर्मांसतां प्राप्ताः कालेन महता पुनः
सिच्यंते वर्षधाराभिः शोष्यंते वायुना पुनः
पश्चात्ते वह्निना भूयो दूरस्थेन शनैः शनैः
भृशं बुभुक्षया पीडा मूर्च्छयातिपिपासया
एवमादिमहाघोरा यातनाः पापकारिणः 4.6.
प्रत्येकं यातनाश्चित्राः सर्वेषु नरकेषु च
एते च विविधैर्घोरैर्यात्यमानाश्च कर्मभिः
महाघोराभिघोराख्या कालाग्निसदृशोपमाः
ततस्तेनात्र कथिताः पापा गच्छंति तान्स्वयम्
एकाकी दह्यते तेन न च पश्यति तानि सः
तत्किमन्योपघातार्थं मूढ पापं कृतं त्वया
कियंतं केन पापेन कालमत्रायते नरः पापात्सर्वेषु पच्यंते नरकेष्वामहाक्षयात्
महापातकिनश्चापि सर्वेषु नरकेष्विह
महापातकिनश्चान्ये नरकार्णवकोटिषु
उपपातकिनश्चापि तदर्थं यांति मानवाः 4.6.
तस्मात्पापं न कुर्वीत चंचले जीविते सति
यः करोति नरः पापं तस्यात्मा ध्रुवमप्रियः
कथं ते पापनिरता नरा रात्रिषु शेरते
एवं क्लिष्टविशुद्धाश्च सावशेषेण कर्मणा स्थावरा विविधाकारास्तृणगुल्मादिभेदतः
तत्रानुभूय दुःखानि जायंते कीटयोनिषु
संश्लिष्टाः पक्षिभावेन भवंति मृगजादिषु
क्रमाद्गोयोनिमासाद्य जायन्ते मानवाः पुनः कालांतरवशाद्यांति मानुष्यमतिदुर्लभम्
व्युत्क्रमेणापि मानुष्यं प्राप्यते पुण्यगोचरात्
मानुष्यं यः समासाद्य स्वर्गमोक्षप्रसाधकम्
देवासुराणां सर्वेषां मानुष्यमतिदुर्लभम् 4.6.
स्वर्गापवर्गलाभाय यदि नास्ति समुद्यतः
धर्ममूलेन मानुष्यं लब्ध्वा सर्वार्थसाधकम्