गुरोः कुर्वंति भ्रुकुटिं क्रूरं चक्षुश्च ये नराः
सूचीभिरग्निवर्णाभिस्तेषां नेत्रं प्रपूर्यते
लोहकीलशतैस्तप्तैस्तज्जिह्वास्यं प्रपूर्यते
ततः क्षारेण दीप्तेन तैलताम्रादिभिः क्रमात्
ये शिवारामपुष्पाणि लोभात्संगृह्य पाणिना
नासिका चातिबहुशस्ततः क्षारादिभिः पुनः
ये निंदंति महात्मानमाचार्यं धर्मदेशिकम्
तेषामुरसि कंठे च जिह्वायां दंतसंधिषु 4.6.
अग्निवर्णाः सुतप्ताश्च त्रिशिखा लोहशंकवः
ततः क्षारेण तप्तेन ताम्रेण त्रपुणा पुनः
क्षारताम्रादिभिर्दीप्तैर्दह्यंते बहुशः पुनः
भवंति बहुशः कष्टाः पाणिपादसमुद्भवाः
समुत्सृजंति ये पापाः पुरीषं मूत्रमेव वा
सूचीभिरग्निवर्णाभिस्ततश्चापूर्यते पुनः आखन्यते गुदे तेषां यावन्मूर्ध्नि विनिर्गतः
ततः क्षारेण महता ताम्रेण त्रपुणा पुनः
मनः सर्वेन्द्रियाणां च यस्मादुक्तं प्रवर्त्तकम्
धने सत्यपि ये दानं न प्रयच्छंति तृष्णया
ते लोहतोरणे बद्धा हस्तपादावताडिताः 4.6.
हस्तपादललाटेषु कीलिता लोहशंकुभिः
कृमिभिः प्राणिभिश्चोग्रैर्लोहदंडैश्च वायसैः
आपीड्यंते जिह्वामूले निबध्य शृंखलाः पुनः
स्निग्धे च वृषणे नद्धे लोहभारद्वयं पुनः
ततः स्वमांसमुत्कृत्य तिलमात्रप्रमाणतः
यदा निर्मांसतां प्राप्ताः कालेन महता पुनः
सिच्यंते वर्षधाराभिः शोष्यंते वायुना पुनः
पश्चात्ते वह्निना भूयो दूरस्थेन शनैः शनैः
भृशं बुभुक्षया पीडा मूर्च्छयातिपिपासया
एवमादिमहाघोरा यातनाः पापकारिणः 4.6.
प्रत्येकं यातनाश्चित्राः सर्वेषु नरकेषु च
एते च विविधैर्घोरैर्यात्यमानाश्च कर्मभिः