असितालवने घोरे च्छिद्यंते खंडखंडशः संबाध्यमाना विवशाः क्लिश्यंते न म्रियंति वै
देहादुत्साद्यमांसानि भिद्यंतेऽस्थीनि मुद्गरैः
निरस्तास्ते निरुच्छ्वासास्तिष्ठंति नरके ध्रुवम्
रौरवे रोदमानाश्च पीड्यन्ते विविधैः शरैः
पदोरास्ये गुदे चैव पार्श्वे चोरसि मस्तके
सुतप्तवालुकायां च प्रलुठ्यन्ते पुनःपुनः
तेनतेनैव रूपेण हसन्ते पारदारिकम्
पूर्वाकारं च पुरुषं प्रज्वलंतं समंततः 4.6.
किं प्रधावसि वेगेन ते न मोक्षोऽस्ति सांप्रतम्
लोहकुम्भे तथा क्षिप्ताः सविधानैः शनैःशनैः
क्वणंत्युदूखले सास्राः प्रक्षिप्यंते शिलासु च
कृमिभिर्भिन्नसर्वांगाः शतशो जर्जरीकृताः
महाज्वाले च नरके पापाः फूत्कारयंति च
पृष्ठे चानीय जंघे द्वे विन्यस्ते स्कन्धयोः स्थिते बद्ध्वा परस्परं सर्वं सुदृढं गाढरज्जुभि.
पीडयंति सुसंरब्धा भ्रमरास्तीक्ष्णलोहजाः
पापानां नरके पुंसां घृष्यते चंदनं यथा
पिंडबंधो स्मृतो याम्यो महाज्वालेषु यातनाः करीषरूक्षवह्नौ च पच्यंते न म्रियंति च
सुतीक्ष्णक्षारतोयेन शर्करासु शिलासु च 4.6.
शरीराभ्यन्तरगतैः प्रभूतैः कृमिभिर्नराः
कृमीणां निचये क्षिप्ताः पूतिमांसस्य राशिषु
सुतप्तवज्रलेपेन शरीरमनुलिप्यते
वदनांते प्रविन्यस्तं सुतप्तायोमयं गुडम्
ये शिवायतनारामवापीकूपमठांग णात्
व्यायामोद्वर्तनाभ्यंगस्नानमापानभोजनम्
ते बाधैर्विविधैर्घोरैरिक्षुयन्त्रादिपीडनैः
ये शृण्वंति गुरोर्निंदां तेषां कर्णः प्रपूर्य्यते
त्रपुसीसारकूटाद्यैः क्षारेण जतुना पुनः अनुक्रमेण सर्वेषु भवंत्येताः समंततः
सर्वेंद्रियाणामप्येवं क्रमात्पापेन यातनाः 4.6.
स्पर्शलोभेन ये मूढाः संस्पृशंति परस्त्रियम्
ततः क्षारादिभिः सर्वैः शरीरमनुलिप्यते