गर्भस्थैर्जायमानैश्च बालैस्तरुणमध्यमैः
शुभाशुभफलं तत्र देहिनां प्रविचार्यते
न तेऽत्र प्राणिनः संति ये न यांति यमक्षयम्
तत्र ये शुभकर्माणः सौम्यचित्ता दयान्विताः ।।।८ ते नरा यांति सौम्येन पथा यमनिकेतनम्
यः प्रदद्याद्द्विजेन्द्राणामुपानत्काष्ठपादुकाम्
छत्रदानेन गच्छंति यथा छत्रेण देहिनः
शिबिकाश्वप्रदानेन ततस्तेन सुखं व्रजेत्
आरामकर्ता छायासु शीतलासु सुखं व्रजेत्
देवायतनकर्ता च यतीनामाश्रमस्य च 4.6.
देवाग्निगुरुविप्राणां मातापित्रोश्च पूजकाः
द्योतयंतो दिशः सर्वा यांति दीपप्रदायिनः
सर्व कामसमृद्धेन पथा गच्छंति गोप्रदाः
आर्तौषधप्रदातारः सुखं यांति निराकुलाः
पादशौचप्रदानेन शीतलेन पथा व्रजेत्
हेमरत्नप्रदानेन याति दुर्गाणि निस्तरन्
सर्वकामसमृद्धात्मा भूमिदानेन गच्छति
इत्येवमादिभिर्दानैः सुखं यांति यमक्षयम्
सर्वेषामेव दानानामन्नदानं परं स्मृतम्
त्रयाणामपि लोकानां जीवितं ह्युदकं स्मृतम् 4.6.
अन्नं पानं च गोवस्त्रभूशय्याच्छत्रमासनम्
अन्नदानं विशेषेण धर्म राजपुरे नराः
ये पुनः क्रूरकर्माणः पापा दानविवर्जिताः
षडशीतिसहस्राणि योजनानामतीत्य यत्
समीपस्थमिवाभाति नराणां शुभकर्मणाम्
तीव्रकंटकयुक्तेन शर्करानिचितेन च
क्वचित्पंकेन महता दुरुत्तारैश्च खातकैः
तटप्रपातविष्टंभैः पर्वतैर्वृक्षसंकुलैः
क्वचिद्विषमगर्तैश्च क्वचिल्लोष्टैः सुपिच्छिलैः
अनेकतापैर्विततैर्व्याप्तं वंशवनं क्वचित् 4.6.
क्वचिदुष्णांबुना व्याप्तं क्वचित्कारीषवह्निना