भागीरथ्यास्तटे रम्ये वेणिकाग्रामसन्निधौ
ताभ्यां संप्रार्थितो विप्रो भोज्यं प्रादाच्च किंचन
इत्युक्तोऽसौ द्विजश्रेष्ठो हलकर्म विधाय तत्
चक्रे चैवादरं भक्त्या स्वयमासनसत्क्रियाम्
सह पत्न्या सतनयो भोज्यं भुक्तिं चकार सः
प्रयातौ ददतुः श्रेष्ठं वरं तस्मै द्विजातये
मा धान्यं मखसंतान मत्प्रसादाद्विजोत्तम 4.3.
किमिदं वद देवेश शापरूपो वरस्त्वया
इत्युक्तः प्राह देवेशः शृणु नारद मद्वचः
संवत्सरेण यत्पापं मत्स्यघाती समाचरेत्
अतोऽर्थं कृषिपाल्येन नरकं याति लांगली
मयि भुक्ते प्रसन्ने वा को विशेषोऽस्य नारद
इदानीं हलकालुष्यैः सीरभद्रो विचेष्टितैः
सपुत्रपौत्रसंतानो हृतोर्थस्तद्गृहे मया
सोऽपि द्विजो मुनिश्रेष्ठ संसारादुत्तरिष्यति
कान्यकुब्जस्य सामीप्ये सरः श्रेष्ठमपश्यताम्
पद्मिनीजलकह्लाररक्तोत्पलसितोत्पलैः 4.3.
तटै रम्यैर्घनैर्वृक्षैः केतकीखण्डमंडितम्
दात्यूहशिखिभारुण्डचकोराद्यैश्च संकुलम्
जलकुक्कुटसंगीतं हंससारसशोभितम्
वशिष्ठस्य मुनेर्नाम्ना विख्यातं श्रीमहोदयम्
स्थातव्यं पुरतस्तेषां तस्मात्स्नानं समाचरेत्
यत्तीर्थलोकं विख्यातं स्नात्वा तीरं समाश्रितः
आचम्य सस्नौ तीर्थेन क्षणात्तीर्थमवाप्य च
तावत्स्त्रीत्वं समापन्नो नारदः केन वर्ण्यते
स्मरपाशोपमौ कर्णौ कपोलौ कनकोज्ज्वलौ
दशना हीरकैस्तुल्या विद्रुमाभः शुभाधरः 4.3.
शंखरेखात्रयेणैव कंठदेशो विराजते
युतौ रक्तोत्पलाभासौ पाणी रक्तनखांगुली
स्तनावविरलौ स्निग्धौ चक्रवाकयुगोपमौ