पद्माकारौ करौ कृत्वा मध्ये श्लिष्टे तु मध्यमे
अनया बद्धया राजन्भास्करस्य प्रियो भवेत्
हृदयं तस्य विज्ञेयं यदक्षरवरं स्मृतम्
शिरस्यर्कमिति प्रोक्तं देवदेवस्य भारत
अष्टाक्षरा तु विद्येयमादित्यस्य महात्मनः
अकारेण समायुक्तं बिंदुरेफसमन्वितम्
एकाक्षरमिदं प्रोक्तमभेद्यं यः स्मरेदिदम्
सविसर्गो रेफ इति अस्त्रमेकाक्षरं स्मृतम्
संमुखौ तौ करौ कृत्वा श्लिष्टौ तु ग्रथितांगुली
हृच्छिरः सशिखा चर्मा मुद्रेयं व्योमसंज्ञिता
मालशब्दकृतादिस्तु मुद्रा ह्यस्त्रस्य कीर्तिता
कर्णबिंदुसमायुक्तं यं चतुर्थं महामते
स्मरः स्यात्साधकेंद्राणां दुरंतो नाशने ध्रुवम्
कनिष्ठानामिके कुंच्य अंगुष्ठेन ततः क्रमेत्
गोवृषा नाम विख्याता दर्शयेद्दिव्यगोचरम्
उभाह्वारूं विभूतिश्च विमला रें प्रकीर्तिता
गोवृषा नाम रं सर्वं वीरभद्रकरी तथा
उत्तानौ तु करौ कृत्वा सव्याकुंच्य ततोंगुलीः
सर्वासां चैव शक्तीनामेता मुद्राः प्रदर्शयेत्
नामान्येतानि शक्तीनां समासात्कथितानि तु
ग्रहाणां शृणु बीजानि रूपं च गदतो मम
ॐकारा दीपिताः सर्वे नमस्कारांतयोजिताः
होमकाले तु स्वाहांतं मंत्रं षट्कारसंयुतम्
सोमाद्याः केतुपर्यंता ग्रहा ह्येवं प्रकीर्तिताः
सुमुखौ तु करौ कृत्वा श्लिष्टौ चैव प्रसारितौ
मंत्रोद्धारस्तवाख्यातो रहस्यो दुर्लभो नृप
जपावर्णं महातेजं श्वेतपद्मोपरि स्थितम्
तथैकवक्त्रं द्विभुजं सोमपंकजकंधरम्
मार्तंडस्य इदं रूपं शुचिः स्नातो जितेंद्रियः
सोऽचिराद्भवते लोके वित्तेन धनदोपमः