हरेफौ बिंदुयुक्तश्च तथान्यो दीर्घया सह
सकारः सविसर्गस्तु मंत्रराजोऽयमुच्यते
पर्वणामूर्ध्वतो देवाः सव्येन मुनयस्तथा
यद्गीतं प्रवरं लोके अक्षराणां मनीषिभिः
कृत्वा वामकरे हस्ताद्ध्यात्वा प्राज्ञो विधानवित्
ततो विद्वान्क्षिपेत्पश्चाद्भास्करायोदकांजलिम्
मंत्रराजेति यः पूर्वं तवाख्यातो मया नृप
मंत्रैरात्मानमेकत्र कृत्वा ह्यर्घ्यं प्रदापयेत्
कृत्वा मण्डलकं वित्तमेकचित्तो व्यवस्थितः
तिलतंडुलसयुक्तं कुशगन्धोदकेन तु
कृत्वा शिरसि तत्पात्रं जानुभ्यामवनिं गतः
मुच्यते सर्वपापैस्तु यो ह्येवं विनिवेदयेत्
अयनानां सहस्रेण चन्द्रस्य ग्रहणे तथा दत्ते कुरुकुलश्रेष्ठ तदर्घ्येण फलं लभेत्
दीक्षामन्त्रविहीनोऽपि भक्त्या संवत्सरेण तु
यः पुनर्दीक्षितो विद्वान्विधिनार्घ्यं निवेदयेत्
इह जन्मनि सौभाग्यमायुरागेग्यसंपदाम्
एष स्नानविधिः प्रोक्तो मया संक्षेपतस्तव
सौरधर्मवर्णनम् सम्यग्ब्रह्मर्चनविधिं पूजयिष्यामि येन वै
विविक्ते विजय स्थाने सुप्रसन्ने सुशोभने
पूजयेद्भास्करं मन्त्री सरलीकृतविग्रहः
अस्त्रबीजेन मंत्रेण नरः स्वांगानि विन्यसेत्
हृदयादीन्फडन्तांस्तान्विन्यसेत्क्रमतः सदा
यवर्गे यचतुर्थं तु कर्णबिंदुसमन्वितम्
पश्चात्तु त्र्यक्षरं सूर्यं कवचं विन्यसेद्बुधः
प्राणायामं ततः कुर्यात्प्रथमं बीजमुद्गिरन्
त्रिभिरेव ततो घोरैरात्मशुद्धिः कृता भवेत्
हृदये हृदयं न्यस्य शिरः शिरसि विन्यसेत्
हृद्बीजमिति विख्यातं ब्रह्मस्थानमनौपमम्
शिखायां तु शिखां न्यस्येच्छरीरे कवचं न्यसेत्
महाव्याहृतयो राजंस्तथारज्वालिनी शिखा