एवं संपूज्य विधिवत्कृत्वा चापि प्रदक्षिणाम् आरुह्य सुविमानं स याति भानोः सलोकताम्
पुनः संपूज्य देवेशं जपं कुर्याद्यथेष्टकम् एवमेकैकशः कार्याः सप्तम्यः सप्त सर्वदा
उदकप्रसृतिं पीत्वा क्रियते या तु सप्तमी
या काचित्सप्तमी नोक्ता तां ते वक्ष्यामि मर्वदा
अनेन देयमूल्येन यल्लब्धं तत्प्रभक्षयेत
व्यासभीष्मसंवादवर्णनम् स्तुवन्तः कं कमर्चतः प्राप्नुयुर्मानवाः शुभम्
को धर्मः सर्वधर्माणां कश्च पूज्यो मतस्तव
भीष्मस्य नरशार्दूल व्यासस्य च महात्मनः
सुखासीनं महाव्यासं गंगाकूले द्विजोत्तम
साक्षान्नारायणं देवं तेजसादित्यसन्निभम्
महाभारतकर्तारं वेदार्थनिकषं परम्
कर्तारं कुरुवंशस्य दैवतं परमं मम
देवदेवस्य माहात्म्यं चित्तस्थं भास्करस्य तु
ममाख्यातं त्वया सर्वं वाङ्मयं सचराचरम्
भास्करस्य मुनिश्रेष्ठ संशयोद्यापि वर्तते
ब्रह्मादीनां तु रुद्राद्यैर्ब्रूहि तत्त्वेन हेतुना
कीर्तयस्व यथान्यायं कौतुकं हि परं मम
स्तुवंतश्च तमर्चाभिः सिद्धा ब्रह्मादयः सुराः
सर्वेषामेव देवानामादिरादित्य उच्यते
स धर्मः सर्वधर्माणां स च पूज्यतमो मतः
अदितिः कश्यपसती आदित्यस्तेन चोच्यते
तस्मादेतज्जगत्सर्वमादित्यात्संप्रवर्तते
रुद्रोपेंद्रौ तथेंद्रश्च ब्रह्मा दक्षोथ कश्यपः
मुखाद्भूतो विरिंचिस्तु रुद्रो वक्षस्थलात्ततः
वामपादतलाद्दक्षो दक्षिणात्कश्यपस्तथा तेनासौ देव आदित्यः सर्वदेवेषु पूजितः
यदि तस्य प्रभावोयं पाराशर्य जगत्पतेः
स किमर्थं त्रिसंध्यं तु राक्षसैः परिभूयते राहुणा गृह्यतेऽग्राह्यस्तत्किमर्थं द्विजोत्तम
दक्षिणाग्निर्दहेत्क्रोधात्तमाक्रामति भास्करः
त्रिसंध्यं तु त्रयो देवाः सान्निध्यं रविमंडले
तमेकमेवमुद्दिश्य लोके धर्मः प्रवर्तते