वृश्चिकस्तत्र संप्राप्य ददंश नृपतिं रुषा
तदा तु निर्भयानन्दो विषमुत्तार्य तस्य वै
शृणु राजन्महाभाग शत्रून्षण्मानसाधमान् रजोगुणाच्च ते जातास्तेषां भेदाः पृथक्पृथक्
मोहो दंभो मदश्चैव ममताशा च गर्हणा
कामी विष्णुस्तथा रुद्रः क्रोधी लोभी विधिस्तथा
माया वश्याश्च ते सर्वे तर्हि तत्पूजनेन किम्
न जितः स जिनो ज्ञेयोऽद्वैतवादी निरंजनः 3.2.10.
तत्प्रसादाय यो धर्मः शृणु मे वसुधाधिप
अतो गोपूजनं शुद्धं हिंसा सर्वत्र वर्जिता
तस्मान्मांसं च पानं च वर्जितं सर्वदैव हि। न्यायेनोपार्जितं वित्तं भोजयेच्च बुभुक्षितान्
रविरात्मा जिनस्यैव तत्प्रकाशे हि भोजयेत्
तथैव मत्वा स नृपो जिनधर्मं गृहीतवान्
तदा तु दुःखिता राज्ञी शिवस्य शरणं ययौ
वरदानेन रुद्रस्य पुत्रो जातो महोत्तमः
गुणशेखर एवासौ पंचत्वे निरयं ययौ
तस्य धर्मप्रभावेण तत्पिता स्वर्गमाप्तवान्
वसंतसमये राजा ताभिः सह वनांतरे 3.2.10.
श्रमितः स तु भूपालो राज्ञीभिः सह मोदितः २१ गृहीत्वा कुसुमं पाद्मं करे राज्ञ्यै समार्पयत्
दुःखितः स तु भूपालो राज्ञीं तामचिकित्सयत्
अपतद्व्याकुलीभूत्वा शुद्धं पादमभूत्ततः
तस्या मूर्च्छा तदा क्षीणा द्वितीयाया अजायत
प्रभाते सुंदरे जाते स ताभिर्गृहमाययौ आसां मध्ये महाराज का श्रेष्ठा सुकुमारिका
वायुप्रकृतितश्चासौ पद्मपुष्पेण खंजिता
शीतांशुना द्वितीया तु मूर्च्छिता कफभावतः
विहस्याह पुनर्देवो भवभक्तं महीपतिम्
स होवाच प्रधानोऽसौ वेदधर्मः सनातनः 3.2.10.
शूद्रो वैश्यस्तथा क्षत्री ब्राह्मणो ब्रह्मचर्यकृत्
यः कृत्वा दारसंसर्गं यतिवद्वर्तते गृही
गृहेषु यतिवद्धर्मो जैनशास्त्रे प्रकीर्तितः
राजानमब्रवीद्गाथां धर्मप्रश्नमयीं शुभाम्