वेदो मनोगमे चात्र षडक्षरमंत्रस्थितः
किं तस्य बहुभिर्मन्त्रैः शास्त्रैर्वा बहुविस्तरैः
तेनाधीतं श्रुतं तेन तेन सर्वमनुष्ठितम्
विधिवाक्यमिदं सर्वं नार्थवादं वचो मम पृच्छस्वेमं प्रणम्याशु वैनतेय महामते
सप्ताश्वतिलकं भक्त्या प्रणम्योवाच भारत
कीदृग्वाक्यमिदं भानोर्वाक्यार्थं ब्रूहि च प्रभो
सप्ताश्वतिलक उवाच विमुक्ताशेषदोषेण सर्वज्ञेन भगेन यत्
यस्मान्मार्तंड नामासौ कथ्यते च मनीषिभिः
सौरवाक्यप्रवक्तारं सूरवत्पूजयेद्गुरुम् 1.187.
सौरधर्माम्बुहस्तेन कस्तेन सदृशो गुरुः ज्ञानामृतेन वै भक्ता कस्तं न प्रतिपूजयेत्
नैव राज्येन महता न चैवार्थस्य राशिभिः
स्वर्गापवर्ग सिद्ध्यर्थं भाषितं यत्तु शोभनम्
रागद्वेषाक्षमाक्रोधकामतृष्णानुसारिणाम्
संस्कृतेनापि किं तेन मृदुलालापसंगिना
यच्छ्रुत्वा जायते पुण्यं रागादीनां च संक्षयः
स्मृतयो भारतं वेदाः शास्त्राणि सुमहांति च
पुत्रदारादिसंसारे नराणां मूढचेतसाम्
इदं श्रेष्ठमिदं ज्ञेयं सर्वं त्वं ज्ञातुमिच्छसि
विज्ञायाक्षरतन्मात्रं जीवितं चातिवंचनम् 1.187.
पण्डितेनापि किं तेन समर्थेन च देहिनाम्
पण्डितोऽपि स मूर्खः स्याच्छक्तियुक्तोऽप्यशक्तिकः
तस्मात्स पंडितः शक्तः स तपस्वी जितेन्द्रियः
यः प्रदद्यान्नृपः कृत्स्नां क्ष्मां धनं कांचनं तथा
यः शृणोति रवेर्धर्मं न्यायतः स च वक्ति च
दत्तगोदोहसंभूतः षडक्षरविधानतः
सुरासुरैर्मथ्यमानात्क्षीरोदात्सागरात्पुरा
नंदा सुभद्रा सुरभी सुमना शोभनावती
सर्वलोकोपकारार्थं देवानां तर्पणाय च
तासामंगानि पुण्यानि षड्रसाः खगसत्तम 1.187.
गोमयं रोचनं मूत्रं क्षीरं दधि घृतं गवाम्