तदा मृतानां तद्वत्स्यादन्येषां तु यथासुखम्
कलाशिल्पानिसर्वाणि गृह्रीयात्परितुष्टये
शुश्रूषेत पतिं भार्या परितोषं यथा व्रजेत्
वृद्धाऽपुत्रा यदि मृता तदभावे नृपस्य तु
कुर्यादनिर्वृतं भर्तुर्गते सन्निहितेपि वा 1.186.
स्त्री धर्मचारिणी साध्वी मृता दाह्या तथाग्निभिः
स्त्रीणां नियोगो विहितो मरणाद्ब्रह्मचारकम्
तस्माद्धर्मं सदा कुर्यात्कुर्वती स्वर्गमाप्नुयात्
इति श्रीभविष्ये महापुराणे ब्राह्मे पर्वणि सप्तमीकल्पे सौरधर्मेषु शुद्धिप्रकरणवर्णनं नाम षडशीत्युत्तरशततमोऽध्यायः
सौरधर्मे धेनुमाहात्म्यवर्णनम् मनुष्यलोके संभूताः स्वर्लोके गामिनः परम्
कर्मयज्ञस्तपोयज्ञः स्वाध्यायो ध्याननिर्मितः
एतेषामेव यज्ञानामुत्तमः कतमः स्मृतः
धर्माधर्मप्रभेदाश्च कियन्तः परिकीर्तिताः
खग नारकिणां पुंसामागतानां पुनः क्षितौ
महाभवार्णवाद्घोराद्धर्माधर्माभिसंकुलात्
इत्युक्तो भगवान्भानुः सर्वप्रश्नार्थमादरात्
धर्मं पापहरं पुण्यं शृणु शूर प्रभाषतः
श्रद्धापूर्वः सदा धर्मः श्रद्धामध्यांतसंस्थितः
श्रुतिमंत्ररसाः सूक्ष्माः प्रधानपुरुषेश्वरः 1.187.
कायक्लेशैर्न बहुभिर्न चैवार्थस्य राशिभिः
श्रद्धा धर्मः परः सूक्ष्मः श्रद्धा यज्ञाहुतं तपः
सर्वस्वं जीवितं वापि दद्यादश्रद्धया च यः
एवं श्रद्धामयाः सर्वे मम धर्माः प्रकीर्तिताः
अधिकारस्य प्राप्त्यर्थं महासारविमुक्तिदम्
नानासिद्धिकरं दिव्यं लोकचित्तानुरंजनम्
मन्मानससमुद्रो हि द्विपदोयं विदुर्बुधाः
देवत्रयगुणातीतः सर्वज्ञः सर्ववित्प्रभुः
यथानादिप्रवृत्तोयं घोरः संसारसागरः
व्याधीनां भेषजं यद्वत्प्र तिपक्षस्वभावतः 1.187.
ममाभिधानमन्त्रोयमभिधेयः सदा स्मृतः