व्रतानि मनसा त्विष्टसंकल्प इति मानसः
अनध्यायं स्वयं सम्यग्वर्जयेत्फलसाधनम्
अशुभानि निमित्तानि उत्पातो विकृतं तथा
अनध्यायाश्च दृष्टार्था अदृष्टार्थास्तथापरे
अभक्ष्यं सर्ववर्णानां शावाशौचं खगाधिप 1.186.
जातिदुष्टं क्रियादुष्टं कालदुष्टं विभूषितम्
लशुनं गृंजनं चैव पलांडुं कवकानि च
नो भुञ्जीत क्रियादुष्टं दुष्टं च पतितैः पृथक्
दधिभक्ष्यविकाराश्च मधुवर्ज्यास्तदिष्यते
सुरालशुनसंस्पृष्टं पेयूषादिसमन्वितम्
शूद्रसक्तं खंडसक्तं ज्ञेयमाश्रयदूषितम्
सहृल्लेखं तु तज्ज्ञेयं पुरीषं तु स्वभावतः
पायसं क्षीरपाकादि तस्मिन्नेव दिने तथा
प्राणात्यये प्रोक्षितं च श्राद्धे च द्विजकाम्यया
प्रेताशुद्धिः सपिंडानां तस्मिन्नेव मृते सति 1.186.
दशाहादित्रिके भागे वर्णशो न भवंति हि
ऊर्ध्वं दशाहादेकाहश्रवणे सति जायते
समानोदकता प्रोक्ता जन्मनाम्नोरपर्यये
आ दंतजन्मनः सद्य आचूडान्नैष्ठिकी स्मृता
तेषामपि तदेकं स्याद्वयोवस्थाप्यपेक्ष्यते
गर्भस्रावे त्रिरात्रेण उदक्या शुध्यते तथा
द्विजानां त्वेवमेव स्यात्पित्रर्थं मातुरेव वा
असपिंडे तु निर्हारात्त्रिरात्रमपि मानवः
शुध्येद्द्विजो दशाहेन जन्महानौ द्वियोनिषु
उक्तशौचं यथान्यायं शारीरं तत्त्वदर्शिभिः 1.186.
तैजसी मार्तिकी वीर वारिशुद्धिः स्मृता तथा
अशुद्धं नैव किंचिद्धि द्रव्यमस्तीति खेचर
स्नानं शौचं च कर्तव्यं द्रव्यशौचादनंतरम्
नैमित्तिकं क्षुराशौचं तेन पापाद्विशुध्यति
कर्मांगं चेति विज्ञेयं षट्प्रकारा समासतः