प्राप्ते पूर्वविवाहे तु विधिर्वैवाहिकः शिवः
दोषवत्याः प्रदाने तु दातुः षण्णवतिर्दमः
मोक्षोपवर्तनं द्वेषः स्त्रीधनस्य निवर्तनम्
परस्परस्य संबंधान्मोक्षः स्त्रीपुंसयोः स्मृतः
बाधते चेत्पतिर्भार्यां स तु द्वेष इति स्मृतः
भोक्तृस्तु स्वयमेवेदं प्रतिज्ञाहननं भवेत्
आपत्तिसमये जाते स्त्रीधनं भोक्तुमर्हति
जायन्ते यदि नो पुत्रास्तस्यां यत्ने महत्यपि 1.182.
पुत्रलाभात्परं लोके नास्ति हि प्रसवार्थिनः समस्तास्तोषयित्वार्थैः सूर्योढां परमां वरेत्
एका शूद्रस्य वैश्यस्य द्वे तिस्रः क्षत्रियस्य तु
अतीर्थगमनात्पुंसस्तीर्थे संगाहनात्स्त्रियाः
यौगपद्ये तु तीर्थानां विवाहक्रमशो व्रजेत्
ब्राह्मादिभिर्विवाहैस्तु संस्कृतौ तौ खगाधिप
ब्राह्मो दैवस्तथार्षश्च प्राजापत्यः खगा धिप
प्रशस्ताः क्षत्रियादीनां विप्रादीनां तु मानतः
क्षत्रियस्यापि देया तु प्रतिग्रहविवर्जिता पावनं पुरुषाणां तु विवाहं परिचक्षते
इति श्रीभविष्ये महापुराणे सप्तमीकल्पे ब्राह्मे पर्वणि सूर्यारुणसंवादे विवाहविधिवर्णनं नाम द्व्यशीत्युत्तरशततमोऽध्यायः
श्राद्धविधिकथावर्णनम् भास्कर उवाच भूतपित्रमरब्रह्ममनुष्याणां यथाविधि
सदा सदान कृत्यानां फलार्थमपरे स्थिताः
अतिथेः परितोषाय परिचर्या विधीयते
तिस्रोष्टकास्तु कर्तव्या मध्यावर्ती चतुर्थिका
प्रतिपदि क्रियते यत्तु चतुष्पार्वणमुच्यते
नित्यं नैमित्तिकं काम्यं वृद्धिश्राद्धं सपिंडनम् कर्मांगं नवमं प्रोक्तं वैदिकं दशमं स्मृतम्
अनूरुरुवाच यदेतद्भवता प्रोक्तं श्राद्धं द्वादशधा विभो
नित्यं किमुच्यते श्राद्धं किं वा नैमित्तिकं भवेत्
वैश्वदेवविहीनं तु अशक्तावुदकेन तु
एकोद्दिष्टं तु यच्छ्राद्धं तन्नैमित्तिकमुच्यते 1.183.
कामयुक्तं हि तत्काम्यमभिप्रेतार्थसिद्धये
वृद्धौ यत्क्रियते श्राद्धं वृद्धिश्राद्धं तदुच्यते
गंधोदकतिलैर्युक्तं कुर्यात्पात्रचतुष्टयम्